Тээвэр хөгжлийн банк нь 1997 онд үүсгэн байгуулагдаж, өдгөө 28 дахь жилдээ Монгол улсын банк санхүүгийн системд тогтвортой үйл ажиллагаа явуулж буй ууган банк бөгөөд Монголын анхны олон улсын жишигт нийцсэн хувийн банкны үйлчилгээг үзүүлэгч банк юм.

Тээвэр хөгжлийн банк нь 2016 онд Банкны хувьцаа эзэмшигчид шинэчлэгдэж, 100% Монголын хөрөнгө оруулалттай банк болсноор банк шинэ үеийн түүхийн гараагаа эхлүүлсэн билээ.

2021 онд Банкны тухай хууль болон Компанийн тухай хуульд нийцүүлэн Монголбанкнаас 7 дугаар сарын 27-ны өдөр гаргасан зөвшөөрлийн дагуу Тээвэр хөгжлийн банк болон Кредит банкууд нэгдсэн түүхэн өөрчлөлт болж үйл ажиллагаагаа өргөжүүлж байлаа.

2020 онд хувь нийлүүлсэн хөрөнгийн хэмжээгээ 100 тэрбум төгрөгт хүргэсэн хоёрдогч банк болж байсан төдийгүй тогтвортой санхүүжилтийг хэрэгжүүлэгч “Шилдэг ТоС”, “AsiaMoney” сэтгүүлийн нэрэмжит “Нийгмийн хариуцлагатай” банкаар шалгарч байв.

2021 онд Банкны тухай хуульд оруулсан нэмэлт, өөрчлөлтийн дагуу Тээвэр хөгжлийн банк нь хувьцаат компани болох төлөвлөгөөгөө Монголбанк, Санхүүгийн зохицуулах хороонд хүргүүлж, Монголбанкнаас төлөвлөгөөг үндэслэлтэй хэмээн дүгнэж, 2022 онд Тээвэр хөгжлийн банк хувьцаат компани болсон билээ. Ийнхүү банкны ололт амжилт тогтмол өссөөр одоо 13 салбар нэгжээрээ дамжуулан харилцагчдадаа санхүүгийн иж бүрэн үйлчилгээ үзүүлэн ажиллаж байна.

Бид үргэлж салбартаа шинийг санаачлагч байж, харилцагчдынхаа хамтын үнэ цэнийг эрхэмлэгч санхүүгийн тогтвортой түнш банк байхаас гадна Олон улсын банк, санхүүгийн тэргүүн туршлага, орчин үеийн дэвшилтэт технологиор дамжуулан харилцагч төвтэй үйлчилгээг эрхэмлэж, ил тод, тогтвортой үйл ажиллагааг чухалчлан ажилладаг.