Тээвэр хөгжлийн банк нь олон улсын банк хоорондын юанийн төлбөр тооцооны CIPS (Cross-border Interbank Payment System) сүлжээний “Шууд оролцогч” гишүүн болсон Монгол улсын төдийгүй зүүн хойд Азид  анхны банк болсон билээ. Ийнхүү CIPS системийг амжилттайгаар нэвтрүүлсний хүрээнд банк харилцагчдынхаа гадаад худалдаа, бизнесийн үйл ажиллагааг дэмжих зорилгоор юанийн гадаад шилжүүлгийг 2025 оны 12-р сарын 31-нийг хүртэл шимтгэлгүй болголоо.

Тээвэр хөгжлийн банк нь олон улсын жишигт нийцсэн хувийн банкны үйлчилгээг харилцагчдадаа хүргэх зорилгын хүрээнд CIPS системд шууд оролцогчийн давуу эрхтэйгээр элсэн орсноор дараах давуу талууд бий болгох юм.

1. Шууд холболт – Харилцагч таны гүйлгээ дамжуулагч банк оролцохгүйгээр шууд дамжина;
2. Хурдтай – Тухайн өдөртөө багадаа 2 цагт хүлээн авагчид хүрнэ;
3. Шимтгэлгүй – Дамжуулагч банкны нэмэлт шимтгэлгүй;
4. Дэлхий даяар – 100+ улс орны 1,700 гаруй банк холбогдсон;
5. Найдвартай – ISO 20022 стандартаар хамгаалагдсан, БНХАУ-ын Ардын банкны хяналттай аюулгүй байдал, мэдээллийн нууцлалыг бүрэн хангасан систем.

ХАРИЛЦАГЧ ТАНД ИРЭХ БОЛОМЖ

1. Хятад болон олон улсын түншүүд рүү юанийн гүйлгээгээ түргэн шуурхай хийх;
2. Зардлаа бууруулж, өрсөлдөх чадвараа нэмэгдүүлэх;
3. Найдвартай, баталгаатай гүйлгээгээр түншүүдийнхээ итгэлийг бэхжүүлэх;
4. Юанийн гүйлгээг 2025 оны 12-р сарын 31-нийг хүртэл шимтгэлгүй шилжүүлэх боломжийг олгож байна.

“Тээвэр хөгжлийн банк” нь гадаад төлбөр тооцооны чиглэлээр олон улсын нэр хүндтэй 16 банктай корреспондент харилцаа тогтоож, USD, EUR, CNY, JPY, GBP, RUB, SGD, HKD, TRY зэрэг нийт 9 төрлийн валютын 33 ностро данс ашиглан шилжүүлгийг түргэн шуурхай, найдвартай гүйцэтгэж байна.

Харилцагч та өөрт ойр байрлах Тээвэр хөгжлийн банкны салбар нэгжээр дамжуулан дэлхийн аль ч улс руу Юанийн гадаад гүйлгээг CIPS cистемээр дамжуулан шимтгэлгүй, шуурхай шилжүүлээрэй!

Салбар нэгжийн дэлгэрэнгүй мэдээллийг ЭНД дарж авна уу.

Олон улсын үнэлгээний “Fitch Ratings” агентлаг нь 2025 оны 09 сарын 03-ны өдөр Тээвэр хөгжлийн банкны зээлжих зэрэглэлийг шинээр тогтоон хэтийн төлөвийг  “Тогтвортой” хэмээн үнэллээ.

Fitch агентлагийн тайланд “Тээвэр хөгжлийн банк”-ны зээлийн багцын өсөлт 2025 оны эхний хагас жилд 20 хувиар өсч зээлийн багцын өндөр өсөлтийг хангахын зэрэгцээ салбарын дунджаас өндөр түвшинд тэлж байгааг онцолжээ. Түүнчлэн банкны өөрийн хөрөнгийн хүрэлцээний харьцаа 21 хувьтай байгаа нь зохицуулагч байгууллагаас тогтоосон үзүүлэлт болох 12 хувиас даруй 9 нэгж хувиар дээгүүр үзүүлэлт бөгөөд буюу эрсдэл даах чадвар сайн байгааг дурдлаа.

Тээвэр хөгжлийн банк нь 2018 оноос эхлэн олон улсын зээлжих зэрэглэлийн үнэлгээ тогтоогч “Moody’s” агентлагаар зээлжих зэрэглэлийг тогтмол үнэлүүлж ирсэн бөгөөд 2025 оноос Fitch Ratings агентлагаар үнэлүүлсэн ба банкны зээлжих зэрэглэлийн хэтийн төлөв сайжирсан үзүүлэлттэй гарлаа.

Мөн богино хугацаат гадаад валютын үүргийг биелүүлэх үнэлгээг “B” гэж үнэлсэн нь системийн түвшний арилжааны банкуудынхтай ижил түвшинд хүрч, олон улсын зах зээлд өрсөлдөх чадамжаа илтгэн харуулж байна.

Fitch агентлагийн дүгнэлтээр Монгол Улсын дунд хугацааны эдийн засгийн өсөлтийн чиг хандлага нь нийт банкны салбарын бизнесийг дэмжих таатай суурь орчин нөхцөл болж байгааг онцолжээ.

Тээвэр хөгжлийн банкны хувьд ийнхүү олон улсын болон дотоодын зах зээлд өөрийн байр сууриа улам бэхжүүлж, харилцагчид болон түнш байгууллагуудынхаа итгэлийг өндөр түвшинд ханган ажиллаж байна.

Зээлжих зэрэглэлийн үнэлгээ

Тээвэр хөгжлийн банк интернэт банкандаа MFA (Multi-Factor Authentication) буюу давхар баталгаажуулалтыг нэвтрүүллээ.

Тус баталгаажуулалт нь хэрэглэгч системд нэвтрэхдээ зөвхөн нууц үгээр хязгаарлагдахгүй, өөр нэмэлт баталгаажуулалтын алхам хийж ордог аюулгүй байдлын нэмэлт шат юм.

Яагаад MFA – Давхар баталгаажуулалт чухал вэ?

1. Нууц үг алдагдсан тохиолдолд харилцагчийн хувийн мэдээллийг хамгаалж үлдэх боломжтой;
2. Цахим залилан бусад смишинг төрлийн халдлагаас сэргийлнэ;
3. Хувь хүн болон байгууллагын мэдээллийн аюулгүй байдлыг өндөр түвшинд хамгаалах юм.

Түүнчлэн иргэн 5 сая төгрөг, байгууллага 20 сая төгрөгөөс дээш дүнтэй гүйлгээг OTP кодоор баталгаажуулах алхмыг MFA – Давхар баталгаажуулалтаар орлуулах боломжтой юм.

Харилцагч та бүхэнд Тээвэр хөгжлийн банкны Интернэт банкаар хэрхэн давхар баталгаажуулалт хийх зааврыг хүргэж байна.

SmiShing (SMS Text Phishing) буюу мессеж луйвар нь олон улсад өргөн тархаад буй халдлагын нэг төрөл юм. Гар утсаараа мессеж бичих, хүлээн авах өргөн хэрэглээг ашиглан бусдыг залилах, цахим луйвар үйлдэх, хувийн мэдээлэлд нь халдах тохиолдол нэмэгдэх хандлага олширч байгаатай холбогдуулан дараах анхааруулга зөвлөмжийг хүргэж байна.

1. Утсаар ирсэн мессежинд болгоомжтой хандаарай – Танихгүй дугаараас ирсэн холбоос, мессежийг нээхээс өмнө сайтар нягталж, итгэлтэй болсныхоо дараа хариу өгөх хэрэгтэй.
2. Сэжигтэй холбоос дээр бүү дараарай – Илгээгч нь тодорхойгүй, эсвэл эргэлзээтэй бол холбоосыг нээхгүй байх нь таны мэдээллийг хамгаалах чухал алхам юм.
3. QR код скан хийхдээ анхааралтай байгаарай – Итгэж болох эх сурвалжаас ирсэн байсан ч очих хаягийг шалгаж баталгаажуулсныхаа дараа үргэлжлүүлээрэй.
4. Төхөөрөмж, аппликэйшнээ тогтмол шинэчилж байгаарай – Шинэчлэл нь аюулгүй байдлыг сайжруулж, халдлагаас сэргийлэх юм.

Банк харилцагчаасаа хувийн нууцлалтай мэдээлэл буюу интернэт банкны нэвтрэх нэр, нууц үг оруулахын шаардсан хүсэлтийг илгээдэггүй. Ямар нэг байдлаар танд ирсэн тохиолдолд та тухайн илгээсэн байгууллагын албан ёсны цахим хаяг, утасны дугаар үнэн зөв эсэхийг зайлшгүй нягталснаар учирч болох олон эрсдэлээс өөрийгөө хамгаалах ач холбогдолтой юм.

Цахим аюулгүй байдал – Таны хариуцлагаас эхэлнэ.