Ангилал: Ерөнхий мэдээлэл

2025 оны 12 дугаар сарын 31-ний байдлаар Тээвэр хөгжлийн банкны нийт актив өмнөх онтой харьцуулахад 50 хувиар өсөж, 1.7 их наяд төгрөгт хүрлээ. Эх үүсвэрийн тогтвортой өсөлтийг амжилттай ханган ажилласны үр дүнд нийт татан төвлөрүүлсэн хөрөнгийн үлдэгдэл өмнөх оны мөн үеэс хоёр дахин нэмэгдэж 1.4 их наяд төгрөгт хүрсэн байна.

Тайлант хугацаанд мөнгөний нийлүүлэлт 9 хувиар өссөн орчинд банкны өсөлт зах зээлийн өсөлтөөс ойролцоогоор 10 дахин өндөр гүйцэтгэлтэй байв. Активын өгөөжийг нэмэгдүүлэн, зардлын үр ашгийг сайжруулсны үр дүнд цэвэр ашиг өмнөх оноос 72 хувиар өсөж 18.3 тэрбум төгрөгт хүрлээ.

Банкны төлбөр түргэн гүйцэтгэх чадварын харьцаа 44.9 хувь, зохицуулагч байгууллагаас тогтоосон өөрийн хөрөнгийн зохистой харьцааны хувьд шалгуур үзүүлэлтээс 7.9 нэгж хувиар давж, 19.9 хувьд хүрсэн нь банкны салбарт тэргүүлэх үзүүлэлтэд тооцогдож байна.

Тээвэр хөгжлийн банк нь зохицуулагч байгууллагаас тогтоосон зохистой харьцааны шалгуур үзүүлэлтүүдийг ханган ажиллаж, дотоод болон гадаад хамтын ажиллагаандаа бодит амжилтыг үзүүлэн, харилцагчдадаа урт хугацааны үнэ цэнийг бүтээн ажиллалаа.

2025 оны 3 дугаар улирлын онцлох үйл явдлаас:

1. Тээвэр хөгжлийн банк нь БНХАУ-ын хил дамнасан юанийн төлбөр тооцооны үндсэн систем болох CIPS-д Шууд оролцогчоор элссэн Монгол улсын төдийгүй Зүүн хойд Ази дахь анхны арилжааны банк боллоо.
2. Монгол Улсын эдийн засаг, санхүүгийн салбарт оруулж буй бодит хувь нэмрээ үнэлүүлэн, “ТОП-100” аж ахуйн нэгжийн нэгээр гурав дахь жилдээ дараалан шалгарч, шагналаа гардан авлаа.
3. Картын төлбөр тооцооны аюулгүй байдлыг хангах сүүлийн хувилбар болох PCI-DSS стандартын 4.0.1 хувилбарыг хамгийн богино хугацаанд үйл ажиллагаандаа амжилттай нэвтрүүллээ.
4. Монгол Улсын хөгжлийн төлөвлөгөөнд багтсан дэд бүтцийн төслийг дэмжих бондын үйл ажиллагаанд үндсэн андеррайтераар анх удаа ажиллаж, бондын зорилтот санхүүжилтийг амжилттай татан төвлөрүүлээд байна.
5. Олон улсын үнэлгээний Fitch Ratings агентлаг банкны зээлжих зэрэглэлийн үнэлгээг шинээр тогтоон, хэтийн төлөвийг “Тогтвортой” хэмээн дүгнэлээ.
6. АНУ-ын нэр хүнд бүхий The Bank of New of York Mellon (BNY Mellon)-тай корреспондент харилцаа тогтоож ам.долларын ностро дансаа амжилттай нээлээ.
7. Олон улсын нэр хүндтэй Global Banking & Finance Review сэтгүүлээс “Монгол Улсын Шилдэг Хувийн Банк 2025” шагналыг хүртэж, хувийн банкны үйлчилгээний стандартыг олон улсын түвшинд хүргэснээ бататгалаа.

Бидэнтэй үргэлж хамт байдаг харилцагч, түнш, хөрөнгө оруулагч, ажилтнуудынхаа хамтын ажиллагаанд талархал илэрхийлье.

Сүүлийн үед арилжааны банкуудын нэр, логог ашиглан иргэдийг төөрөгдүүлсэн цахим залилангийн тохиолдол нэмэгдэж байгаа бөгөөд залилан хийж буй этгээдүүд нь өөрсдийгөө банкны ажилтан, албан байгууллага гэж танилцуулан утсаар ярих, мессеж илгээх, хуурамч линк явуулах замаар картын дугаар, нууц код (PIN), нэг удаагийн баталгаажуулах код (OTP) болон аппликэйшнд нэвтрэх мэдээллийг авахыг оролдож байна.

Банк нь утсаар, мессежээр, сошиал орчноор дамжуулан таны:

1. Картын дугаар;
2. Гүйлгээний нууц код;
3. OTP код;
4. Интернэт банкны нэвтрэх нэр, нууц үгийг хэзээ ч асуудаггүй болно.

Иймд харилцагч та өөрийн мэдээллийн аюулгүй байдлыг хамгаалан

1. Албан бус линк дээр дарж, хувийн мэдээллээ оруулахгүй байх;
2. “Данс хаагдах”, “Сэжигтэй гүйлгээ илэрсэн”, “Шагнал хожсон” гэх мэт хуурамч мэдээлэллийг сайтар нягтлах;
3. Танихгүй дугаар, мессеж, имэйлд ирсэн хүсэлтийг баталгаажуулалгүйгээр биелүүлэхгүй байхыг анхаарна уу.

Сэжигтэй тохиолдол илэрсэн үед:

1. Карт, дансныхаа гүйлгээг нэн даруй шалгах;
2. Банкны лавлах төв, салбар нэгжид яаралтай хандах;
3. Хувийн мэдээллээ алдсан байж болзошгүй тохиолдолд картаа хаалгах зэрэг арга хэмжээг аваарай.

Банк харилцагчдынхаа мэдээллийн аюулгүй байдлыг хамгаалах үүднээс тогтмол анхааруулга мэдээллийг хүргүүлж байгаа бөгөөд албан ёсны сувгаас ирсэн мэдээлэлд итгэн, цахим залилангаас өөрийгөө болон санхүүгээ урьдчилан хамгаална уу.

Банк санхүүгийн салбарын шилдэг гүйцэтгэл, инноваци, манлайллыг үнэлдэг олон улсын нэр хүнд бүхий Global Banking & Finance Review сэтгүүл “Global Banking & Finance Awards 2025” шилдэгүүдээ тодруулж Тээвэр хөгжлийн банкийг “Best Private Bank Mongolia” буюу “Монгол Улсын шилдэг Хувийн банк”-аар  шалгарууллаа.

Энэхүү шагнал нь Тээвэр хөгжлийн банк үйл ажиллагаа болон харилцагчийн цар хүрээгээ тасралтгүй өргөжүүлж, харилцагчдадаа тусгайлан зориулсан гадны хувийн банкны шилдэг туршлага бүхий бүтээгдэхүүн үйлчилгээ, тус чиглэлийн шат дараалсан тууштай стратегийн бодлогыг амжилттай хэрэгжүүлэн харилцагчдынхаа сэтгэл ханамжийг өндөр түвшинд ханган ажилласан амжилтын үр дүнг үнэлсэн тод илэрхийлэл юм.

Монголын анхны мэргэшсэн хувийн банк болох Тээвэр хөгжлийн банк нь харилцагчийн мэдээллийн аюулгүй байдлыг нэн өндөр түвшинд чухалчлан олон улсын стандартын дагуу бүрэн ханган ажилладаг бөгөөд VIP зэрэглэлийн бизнес танхим, салбараараа дамжуулан уламжлалт банкны бүтээгдэхүүн, үйлчилгээг үзүүлэхээс гадна харилцагчийн амьдралын хэв маяг, санхүүгийн хэрэгцээ шаардлагад нийцсэн иж бүрэн шийдэл бүхий хувийн банкны экосистемийг бүрдүүлсэн байна.

Мөн олон улсад мэргэшсэн хувийн банкируудаар дамжуулан харилцагч бүрийн онцлогт тохирсон уян хатан нөхцөл, өндөр өгөөж бүхий бүтээгдэхүүнээр үйлчлэхээс гадна баялгийн удирдлага, хувийн санхүү, татвар, даатгал зэрэгт цогц зөвлөх үйлчилгээг үзүүлдэг төдийгүй харилцагчийн тансаг амьдралын хэв маягт тохирсон консьерж үйлчилгээ, олон улсад нэр хүндтэй Сингапур болон Швейцарын хувийн банктай стратегийн түншлэл бүхий хамтын ажиллагааг эхлүүлж, харилцагчдадаа тус банкуудын олон улсын стандартад нийцсэн хувийн банкны үйлчилгээг үзүүлэх боломж, нөхцөлийг бүрдүүлжээ.

Тээвэр хөгжлийн банкны Гүйцэтгэх захирал Б.Эрдэнэбаяр: “Энэхүү шагнал бол манай хамт олны тууштай хөдөлмөр, харилцагчдын итгэлийн үр дүн юм. Бид харилцагчдадаа санхүүгийн бүтээгдэхүүн үйлчилгээ үзүүлээд зогсохгүй харилцагчийн бизнесийн үнэ цэнийг хамтран өргөжүүлэх урт хугацааны түнш байхыг эрхэмлэдэг. Цаашид бид олон улсын стандартад нийцсэн хувийн банкны бүтээгдэхүүн үйлчилгээ болон баялгийн удирдлагын цогц шийдлийг нэгтгэн хүргэхийн төлөө тасралтгүй ажиллах болно” хэмээн онцоллоо.

Хөгжлийг хурдасгах таны санхүүгийн түнш

Тээвэр хөгжлийн банкны 2025 оны III улирлын байдлаар нийт активын хэмжээ 1.5 их наяд төгрөгт хүрч, нийт татан төвлөрүүлсэн харилцах, хадгаламжийн үлдэгдэл өмнөх оны мөн үеэс 96 хувиар өссөнөөр 1.0 их наяд төгрөгт хүрэв. Тус хугацаанд мөнгөний нийлүүлэлт 7 хувиар өссөн орчинд банкны өсөлт зах зээлийн өсөлтөөс ойролцоогоор 8 дахин өндөр гүйцэтгэлтэй байв. Тайлант хугацаанд активын өгөөжийг нэмэгдүүлэн, зардлын үр ашгийг сайжруулснаар 10.3 тэрбум төгрөгийн цэвэр ашигтайгаар нийт 12.7 тэрбум төгрөгийн татварыг улсын төсөвт бүрдүүлэн ажиллалаа.

Банк нь Монголбанкнаас тогтоосон зохистой харьцааны шалгуур үзүүлэлтүүдийг бүрэн ханган ажиллаж байна. Төлбөр түргэн гүйцэтгэх чадварын харьцаа үзүүлэлт 40 хувь, өөрийн хөрөнгийн зохистой харьцааны доод түвшнийг 10 нэгж хувиар давуулан биелүүлж 20 хувьд хүрсэн нь банкны салбарт тэргүүлэх үзүүлэлттэй байна.

Банк нь үйл ажиллагааны чанар, эрсдэлийн удирдлага, харилцагчийн үйлчилгээний стандартуудыг тасралтгүй сайжруулсны үр дүнд үйлчилгээний хүртээмж, үр ашиг болон өрсөлдөх чадвараа нэмэгдүүлж, урт хугацааны санхүүгийн тогтвортой байдал, харилцагч болон түншүүдийнхээ итгэлийг улам бэхжүүллээ.

2025 оны 3 дугаар улирлын онцлох үйл явдлаас:

• Тээвэр хөгжлийн банк нь Монгол Улсын Засгийн газар, МҮХАҮТ-аас 24 дэх жилдээ зохион байгуулагдсан “ТОП-100” аж ахуйн нэгжийн нэгээр шалгарсан.
• БНХАУ-ын Олон улсын банк хоорондын юанийн төлбөр тооцооны CIPS системийн “Шууд оролцогч” гишүүн банкны шалгуурыг ханган Монгол улсад төдийгүй зүүн хойд Азид амжилттайгаар нэвтрүүлсэн анхны банк болсон.
• Тээвэр хөгжлийн банк нь Монгол Улсын хөгжлийн төлөвлөгөөнд багтсан дэд бүтцийн төслийг дэмжих бондын үйл ажиллагаанд үндсэн андеррайтераар оролцон бондын зорилтот санхүүжилтийг амжилттай татан төвлөрүүлээд байна.
• Картын төлбөр тооцооны аюулгүй байдлыг хангах PCI-DSS стандартыг үйл ажиллагаандаа богино хугацаанд амжилттай нэвтрүүлсэн байна.

• Тээвэр хөгжлийн банкны зээлжих зэрэглэлийн хэтийн төлөвийг Fitch Ratings агентлагаас Тогтвортой хэмээн үнэлэв.
• Тээвэр хөгжлийн банк нь  олон улсын 100 гаруй улсад  ашиглагддаг UnionPay аппликэйшнд нэгдэж, харилцагчдадаа гадаад төлбөр тооцоог карт болон бэлэн мөнгө авч явах шаардлагагүй зөвхөн өөрийн гар утсаа ашиглан төлбөрөө хормын дотор аюулгүй хийх боломжийг бүрдүүллээ.

Бидэнтэй үргэлж хамт байдаг харилцагч, түнш, хөрөнгө оруулагч, ажилтнуудынхаа хамтын ажиллагаанд талархал илэрхийлье.

Таныг таних боломжтой аливаа мэдээлэл нь “хувийн мэдээлэл” гэж тооцогдох бөгөөд дараах мэдээллийг эзэмшигчийн зөвшөөрөлгүйгээр цуглуулах, ашиглах, дамжуулахыг хуулиар хориглосон байдаг. Үүнд:

1. Хувийн таних мэдээлэл: Нэр, регистрийн дугаар, иргэний үнэмлэх;
2. Харилцах мэдээлэл: Утасны дугаар, и-мэйл, оршин суугаа хаяг;
3. Санхүүгийн мэдээлэл: Банкны данс, картын дугаар, гүйлгээний түүх;
4. Эрүүл мэндийн мэдээлэл: Онош, эмчилгээ, нийгмийн халамжийн түүх;
5. Цахим: Байршлын мэдээлэл, сошиал сүлжээнд нийтэлсэн пост, зураг.

Үйлчилгээний байгууллагууд таны мэдээллийг хуульд заасан хүрээнд авч болох ба мэдээллээ өгөхөөс өмнө ямар зорилгоор ашиглах болон нууцлалыг хэрхэн хамгаалах талаар зайлшгүй асуух хэрэгтэй.

ХУВИЙН МЭДЭЭЛЛЭЭ ХЭРХЭН ХАМГААЛАХ ВЭ?

1. Нууц үг хүчтэй, дахин давтагдахгүй байх;
2. Хувийн мэдээллээ утсаар, мессежээр, сошиал дээр бүү хуваалц;
3. Банк, төрийн аппликэйшнээ зөвхөн албан ёсны эх сурвалжаас татаж авах;
4. Сэжигтэй линк, и-мэйл, мессежийг нээхгүй байх;
5. Гүйлгээгээ тогтмол шалгаж, асуудал илэрвэл банктайгаа яаралтай холбогдох шаардлагатай.

Цахим орчинд хувийн мэдээллээ буруу удирдах нь таны санхүү, нэр хүнд, аюулгүй байдалд ноцтой эрсдэл дагуулдаг. Харин мэдээллээ зөв хамгаалснаар та өөрийнхөө амьдралыг итгэлтэй, аюулгүй байлгаж чадна.

ТАНЫ ХУВИЙН МЭДЭЭЛЭЛ = ТАНЫ АМЬДРАЛЫН НУУЦ

Харилцагч та төлбөрийн картын хэрэглээг аюулгүй байлгах үүднээс картын нууц мэдээллээ хамгаалаарай.

1. Харилцагч та өдөр тутам картын гүйлгээгээ өөрийн ибанкны картын хуулга болон имэйл хаягаар илгээгдсэн гүйлгээний мэдэгдэлээр хянах эсвэл мессеж мэдээ үйлчилгээнд бүртгүүлэн гүйлгээний мэдэгдлийг цаг алдалгүй авах.
2. Картын эмзэг мэдээллээ/картын дугаар, cvv код, пин код/ хамгаалах, бусдад дамжуулахгүй байх
3. Картын гүйлгээ хийхдээ соронзон тууз бүхий төлбөрийн хэрэгслээр үйлчлүүлэхээс зайлсхийх
4. АТМ, ПОС терминал дээр өөрийн гараар пин кодоо оруулж гүйлгээгээ хийх, бусдад пин кодоо хэлэхгүй байх;.
5. АТМ-аар үйлчлүүлэхдээ карт уншдаг хэсэгт нууц камер, картын мэдээлэл хуулбарлах нэмэлт төхөөрөмж байгаа эсэхийг сайтар нягтлах;
6. Онлайнаар худалдан авалт хийхдээ тухайн цахим хуудас нь гүйлгээний мэдээллийг тань нууцалдаг SSL-ээр (https://) баталгаажсан эсэхийг шалгах;
7. Үл мэдэгдэх эх сурвалжаас ирсэн сэжигтэй холбоос линк эсвэл хавсралтуудыг нээхгүй байх, картын мэдээллээ оруулахгүй байх;
8. Банканд бүртгэлтэй утасны дугаар и-мэйл хаягаа өөрчилсөн тохиолдолд банкны салбар, нэгжид хандаж эсвэл ибанкаараа мэдээллээ шинэчилж байх
9. Картаа хаясан, гээсэн тохиолдолд дараах сувгаар картаа яаралтай хаалгах:
10.         1800-1999 лавлах дугаарт холбогдон картаа хаалгах;
11.        Цахим банкаараа картаа идэвхгүй болгох;
12.        Өөрт ойр байрлах салбарт хандах;

Картаа цахим банкаар идэвхгүй болгох заавар:

Хэрэв таны картаар өөрөө хийгээгүй, эргэлзээтэй, сэжигтэй гүйлгээ хийгдсэн тохиолдолд яаралтай банканд хандаж, шалгуулах шаардлагатай.

Монгол Улсын санхүүгийн салбарт технологийн шинэчлэл, олон улсын холболтыг өргөжүүлэх зорилгын хүрээнд Тээвэр хөгжлийн банк нь БНХАУ-ын технологийн тэргүүлэгч компани Pax Computer Technology (Shenzhen)Co., Ltd -тэй амжилттай хамтран ажиллаж байна.

Энэхүү хамтын ажиллагааны хүрээнд Тээвэр хөгжлийн банк нь олон улсын дижитал санхүүгийн сүлжээнд холбогдох шаардлагатай техник тоног төхөөрөмж, программ хангамжийн шийдэл, болон мэргэжлийн зөвлөх, дэмжлэгийн үйлчилгээг PAX Technology-ээс бүрэн хангуулан хэрэгжүүлж байна.

──────────────────

PAX Technology – Дэлхийн төлбөрийн дэд бүтцийн итгэлтэй түнш

Pax Computer Technology (Shenzhen)Co., Ltd нь дэлхийн 120 гаруй улсад төлбөрийн төхөөрөмж, ухаалаг POS терминал, fintech шийдлүүдийг нийлүүлдэг, олон улсын жишигт нийцсэн дэвшилтэт технологи үйлдвэрлэгч юм.

PAX Technology нь зөвхөн төхөөрөмж нийлүүлэхээс гадна:

• Системийн архитектур төлөвлөлт
• Интеграци болон дата хамгааллын шийдэл
• Банк, санхүүгийн байгууллагуудад зориулсан тусгай программ хангамж, төхөөрөмжийн менежмент зэргийг цогцоор нь санал болгодог.

──────────────────

CIPS холболтыг дэмжих технологийн үндэс

Тээвэр хөгжлийн банк нь олон улсын юанийн төлбөр тооцооны CIPS системд амжилттай холбогдоход шаардагдах техник дэд бүтэц, программ хангамжийн шийдлийг PAX Technology-ээр дамжуулан бүрэн хангаж, системийн найдвартай ажиллагааг бүрдүүлсэн.

Энэ нь Тээвэр хөгжлийн банканд:

• Хятад болон олон улстай хийх юанийн төлбөр тооцоонд шинэ боломжуудыг бий болгох
• Хамгийн сүүлийн үеийн аюулгүй, хурдан шийдэл дээр суурилсан гүйлгээний технологи ашиглах боломжийг бүрдүүлж байна.

Тээвэр хөгжлийн банк нь  олон улсын 100 гаруй улсад  ашиглагддаг UnionPay аппликэйшн-д UnionPay картаа холбоод, гадаад төлбөр тооцоогоо илүү хялбар, аюулгүй хийх боломжийг танд олгож байна.

UnionPay аппликэйшн нь олон улсад төлбөр төлөхөөс гадна, онлайн худалдан авалт хийх, тухайн улс орон бүрийн хөнгөлөлт урамшуулалд хамрагдах зэрэг санхүүгийн олон төрлийн үйлчилгээг нэг дор багтаасан дижитал платформ юм.

UnionPay аппликэйшнаар төлбөр тооцоогоо хийх давуу талууд:

1. Хятадад ихэвчлэн Wechat, Alipay-гаар төлбөр хүлээн авдаг учраас та картаа UnionPay апп-д холбоод хаана ч, такси, метро, дэлгүүр гээд бүх газарт шууд төлбөрөө ямар нэгэн нэмэлт шимтгэлгүйгээр хийх боломжтой.
2. UnionPay аппликэйшнд картаа холбосноор бэлэн мөнгө авч явах шаардлагагүй зөвхөн өөрийн гар утсаа ашиглан төлбөрөө хормын дотор хийх боломжтой.
3. UnionPay нь мэдээллийн аюулгүй байдлын өндөр стандартаар баталгаажсан тул таны картын мэдээлэл алдагдахаас бүрэн хамгаална.
4. Мөн UnionPay International-ийн сүлжээнд бүртгэлтэй 60 сая гаруй худалдаа үйлчилгээний байгууллагуудаас худалдан авалт хийх бүрдээ онцгой хөнгөлөлт, урамшууллыг эдлэх боломжийг олгоно.

UnionPay аппликэйшнд зөвхөн UnionPay брэндийн карт холбох шаардлагатай бөгөөд хараахан харилцагч болж амжаагүй байгаа бол ЭНД дарж, Тээвэр хөгжлийн банкны UnionPay картын дэлгэрэнгүй мэдээлэлтэй танилцаарай.

Тээвэр хөгжлийн банк нь олон улсын банк хоорондын юанийн төлбөр тооцооны CIPS (Cross-border Interbank Payment System) сүлжээний “Шууд оролцогч” гишүүн болсон Монгол улсын төдийгүй зүүн хойд Азид  анхны банк болсон билээ. Ийнхүү CIPS системийг амжилттайгаар нэвтрүүлсний хүрээнд банк харилцагчдынхаа гадаад худалдаа, бизнесийн үйл ажиллагааг дэмжих зорилгоор юанийн гадаад шилжүүлгийг 2025 оны 12-р сарын 31-нийг хүртэл шимтгэлгүй болголоо.

Тээвэр хөгжлийн банк нь олон улсын жишигт нийцсэн хувийн банкны үйлчилгээг харилцагчдадаа хүргэх зорилгын хүрээнд CIPS системд шууд оролцогчийн давуу эрхтэйгээр элсэн орсноор дараах давуу талууд бий болгох юм.

1. Шууд холболт – Харилцагч таны гүйлгээ дамжуулагч банк оролцохгүйгээр шууд дамжина;
2. Хурдтай – Тухайн өдөртөө багадаа 2 цагт хүлээн авагчид хүрнэ;
3. Шимтгэлгүй – Дамжуулагч банкны нэмэлт шимтгэлгүй;
4. Дэлхий даяар – 100+ улс орны 1,700 гаруй банк холбогдсон;
5. Найдвартай – ISO 20022 стандартаар хамгаалагдсан, БНХАУ-ын Ардын банкны хяналттай аюулгүй байдал, мэдээллийн нууцлалыг бүрэн хангасан систем.

ХАРИЛЦАГЧ ТАНД ИРЭХ БОЛОМЖ

1. Хятад болон олон улсын түншүүд рүү юанийн гүйлгээгээ түргэн шуурхай хийх;
2. Зардлаа бууруулж, өрсөлдөх чадвараа нэмэгдүүлэх;
3. Найдвартай, баталгаатай гүйлгээгээр түншүүдийнхээ итгэлийг бэхжүүлэх;
4. Юанийн гүйлгээг 2025 оны 12-р сарын 31-нийг хүртэл шимтгэлгүй шилжүүлэх боломжийг олгож байна.

“Тээвэр хөгжлийн банк” нь гадаад төлбөр тооцооны чиглэлээр олон улсын нэр хүндтэй 16 банктай корреспондент харилцаа тогтоож, USD, EUR, CNY, JPY, GBP, RUB, SGD, HKD, TRY зэрэг нийт 9 төрлийн валютын 33 ностро данс ашиглан шилжүүлгийг түргэн шуурхай, найдвартай гүйцэтгэж байна.

Харилцагч та өөрт ойр байрлах Тээвэр хөгжлийн банкны салбар нэгжээр дамжуулан дэлхийн аль ч улс руу Юанийн гадаад гүйлгээг CIPS cистемээр дамжуулан шимтгэлгүй, шуурхай шилжүүлээрэй!

Салбар нэгжийн дэлгэрэнгүй мэдээллийг ЭНД дарж авна уу.