Ангилал: Ерөнхий мэдээлэл

Хадгаламж барьцаалсан кредит картын “Хадгаламжтай бол Кредит карттай аян” 2025.06.30-ны өдрийг дуустал зарлагдлаа.

Аяны нөхцөл:

Gold Visa / Gold UP карт 

1. 10-50 сая төгрөгийн хадгаламжтай харилцагчид кредит карт захиалбал Visa болон Union Pay алтан карт хураамжгүй.
2. 50-100 сая төгрөгийн хадгаламжтай харилцагчид кредит карт захиалбал Visa алтан карт үнэгүй+Priority Pass гишүүнчлэлийн эрх үнэгүй.

_______________________________________________________

Billionaire Visa Gold /Platinum Visa карт 

1. 100-500 сая төгрөгийн хадгаламжтай харилцагчид кредит карт захиалбал Billionaire Visa Gold, Platinum Visa картыг элсэлтийн хураамжийг 50 хувийн хөнгөлөлттэй олгоно;
2. 500 сая төгрөгөөс дээш хадгаламжтай харилцагчид кредит карт захиалбал Billionaire Visa Gold, Platinum Visa картыг 100% элсэлтийн хураамжаас чөлөөлнө.

Аяны шаардлага: Хадгаламжийн хугацаа 12 сар болон түүнээс дээш байх.

Кредит карт захиалснаар дараах давуу талуудыг эдлэх боломжтой:

1. Хадгаламжийн үнийн дүнгийн 80% хүртэл зээлийн эрх тогтоолгох боломж;
2. Priority Pass-н гишүүнчлэлийн 5 жилийн эрх үнэгүй;
3. ПОС, E-Commerce худалдан авалтад эхний 50 хоног хүүнээс чөлөөлөгдөх боломжтой.

Billionaire Visa Gold/Platinum Visa цэвэр метал карт

1. “Vault” гишүүнчлэлийн эрхийн 50% хөнгөлөлт;
2. “Billionaire X” тансаг зэрэглэлийн авто машин ашиглах эрх;
3. “Vault”-ийн 10% буцаан олголт, ”Alfie” рестораны 5% буцаан олголт авах боломжтой.

Харилцагч та Тээвэр хөгжлийн банкны өөрт ойр байрлах салбар нэгжид хандан үйлчилгээг авах боломжтой.

Картын дэлгэрэнгүй мэдээллийг:

1. Billionaire Visa Gold, Platinum Visa картын дэлгэрэнгүй мэдээллийг ЭНД дарж авна уу.
2. Visa, UnionPay картын дэлгэрэнгүй мэдээллийг ЭНД дарж авна уу.

Аяны талаар дэлгэрэнгүй мэдээлэл авахыг хүсвэл Харилцагчийн үйлчилгээний төвийн  1800 – 9999 лавлах утсанд хандаарай.

Тээвэр хөгжлийн банк IBAN дансны дугаарыг 2025.04.01-нээс эхлэн ашиглаж эхэллээ.

Монгол Улсын хэмжээнд үйл ажиллагаа явуулж буй арилжааны банкууд олон улсын жишгийн дагуу IBAN дансны дугаарлалтын систем рүү шилжиж буй билээ. Энэхүү өөрчлөлт нь гүйлгээний аюулгүй байдал, хурд, найдвартай байдлыг нэмэгдүүлэх зорилготой.

IBAN дансны дугаар гэж юу вэ?

IBAN нь International Bank Account Number гэсэн үгний товчлол бөгөөд харилцагчийн банк, улс болон дансны дугаар гэх мэт чухал мэдээллүүдийг агуулсан 20 орон бүхий дансны дугаарлалт юм. IBAN дугаарыг ашигласнаар олон улсын гүйлгээ, төлбөр тооцоог, аюулгүй гүйцэтгэх боломжтой.

Дансны дугаар: MN81 0019 009000012345

1. MN – Улсын код
2. 81 – Хяналтын орон
3. 0019 – Банкны дугаар
4. 009000012345 – Дансны дугаар

Харилцагч та бүхэнд Тээвэр хөгжлийн банкны Интернэт банкаар дамжуулан IBAN дугаар ашиглан хэрхэн гүйлгээ амжилттай хийх зааврыг хүргэж байна.

 

 

 

 

Монгол Улсын хэмжээнд үйл ажиллагаа явуулж буй арилжааны банкууд олон улсын жишгийн дагуу IBAN дансны дугаарлалтын систем рүү шилжиж буй билээ. Энэхүү өөрчлөлт нь гүйлгээний аюулгүй байдал, хурд, найдвартай байдлыг нэмэгдүүлэх зорилготой.

IBAN дансны дугаар гэж юу вэ?

IBAN нь International Bank Account Number гэсэн үгний товчлол бөгөөд харилцагчийн банк, улс болон дансны дугаар гэх мэт чухал мэдээллүүдийг агуулсан 20 орон бүхий дансны дугаарлалт юм. IBAN дугаарыг ашигласнаар олон улсын гүйлгээ, төлбөр тооцоог, аюулгүй гүйцэтгэх боломжтой.

Дансны дугаар: MN81 0019 009000012345

1. MN – Улсын код
2. 81 – Хяналтын орон
3. 0019 – Банкны дугаар
4. 009000012345 – Дансны дугаар

Харилцагч та бүхэнд Тээвэр хөгжлийн банкны Интернэт банкаар дамжуулан IBAN дугаараа шалгах болон хуулах зааварыг хүргэж байна.

Банкны хувьцаа эзэмшигчдийн ээлжит хурал зарлах тухай

Монгол Улсын Компанийн тухай хуулийн 59 дүгээр зүйл 59.4 дэх заалт, 60 дугаар зүйлийн 60.1 дэх заалт, 60.2 дахь заалт, Банкны тухай хуулийн 31 дүгээр зүйлийн 31.3.4 дэх заалт, Тээвэр хөгжлийн банк ХК-ийн дүрмийн 11 дүгээр зүйлийн 11.3 дахь заалт, 11.4 дэх заалт, 11.6 дахь заалт болон Төлөөлөн удирдах зөвлөлийн 2025 оны 03 дугаар сарын 25-ны өдрийн №Т/25-05 дугаартай хурлын тэмдэглэлийн дагуу “Тээвэр хөгжлийн банк” ХК-ийн хувьцаа эзэмшигчдийн ээлжит хуралд хувьцаа эзэмшигч та бүхнийг идэвхтэй оролцохыг урьж байна.

1. Хурал хийх газар: Тээвэр хөгжлийн банк ХК-ийн төв байр буюу Сүхбаатар дүүрэг, Шангри-Ла оффис, 15 давхрын хурлын танхим
2. Хурал эхлэх цаг: 14.00 цагт
3. Бүртгэлийн өдөр: 2025 оны 04 дүгээр сарын 30-ны өдөр
4. Хэзээ: 2025 оны 04 дүгээр сарын 30-ны өдөр
5. Хурал хийх хэлбэр: Биечлэн

Хувьцаа эзэмшигчдийн ээлжит хурлаар хэлэлцэх асуудал:

Танилцах асуудал:

1. Банкны 2024 оны үйл ажиллагааны болон санхүүгийн тайлангийн талаарх танилцуулга;
2. Төлөөлөн удирдах зөвлөлийн 2024 оны ажлын тайлангийн танилцуулга;
3. Активыг холбогдох сангаас хаасан болон активыг тэнцлээс хассан талаарх тайлангийн танилцуулга.

Хэлэлцэх асуудал:

1. Банкны 2024 оны хөндлөнгийн аудитын байгууллагаар баталгаажуулсан санхүүгийн тайлангийн талаарх Төлөөлөн удирдах зөвлөлийн дүгнэлтийг хэлэлцэж батлах;
2. Банкны 2024 оны жилийн эцсийн цэвэр ашгаас ногдол ашиг хуваарилах эсэх тухай
3. Бусад.

Тээвэр хөгжлийн банк нь PCI Security Standard Council байгууллагаас гаргасан, картын төлбөр тооцооны аюулгүй байдлыг хангах хамгийн сүүлийн хувилбар болох PCI-DSS стандартын 4.0.1 хувилбарыг үйл ажиллагаандаа богино хугацаанд амжилттай нэвтрүүлж, олон улсын магадлан итгэмжлэгдсэн ISOQAR India Private Limited  байгууллагаар аудит хийлгэн сертификатаа албан ёсоор хүлээн авлаа.

Банк нь тус стандартыг нэвтрүүлснээр харилцагчдынхаа төлбөрийн картын мэдээллийг боловсруулах, хадгалах, дамжуулах, баталгаажуулах найдвартай орчныг бүрдүүлээд зогсохгүй мэдээллийн аюулгүй байдлын бодлого, үйл ажиллагаа, программ хангамж, сүлжээний тасралтгүй хэвийн үйл ажиллагааг хангасан чухал үйл явдал боллоо

PCI DSS стандарт нь нэр хүндтэй олон улсын болон дотоодын зохицуулагч байгууллагуудад хүлээн зөвшөөрөгдсөн, дэлхий дахины картын төлбөрийн салбарт хэрэглэгддэг олон улсын аюулгүй байдлын стандарт юм. Энэхүү стандартыг гаргагч PCI Security Standard Council байгууллага нь  American Express, Discover Financial Services, JCB International, Mastercard Worldwide болон Visa International байгууллагуудын хамтран байгуулсан байгууллага бөгөөд дансны мэдээллийн аюулгүй байдлыг хангах, хамгаалах стандартуудыг тасралтгүй хөгжүүлдэг.

Тээвэр хөгжлийн банк нь харилцагчдынхаа аюулгүй байдлыг хангах хүрээнд олон улсын стандартад нийцсэн шинэчлэлтийг банкны үйл ажиллагаандаа нэвтрүүлж буй нь харилцагчдынхаа болон санхүүгийн салбарт үзүүлэх итгэлцэл, үнэ цэнийг улам бүр батжин бэхжүүлж, найдвартай санхүүгийн үйлчилгээ үзүүлэгч байгууллага гэдгээ баталгаажууллаа.

Тээвэр хөгжлийн банк нь цаашид ч харилцагчдынхаа мэдээллийн аюулгүй байдлыг олон улсын түвшинд чандлан хамгаалж,  хариуцлагатай найдвартай санхүүгийн үйлчилгээг хүргэж ажиллах болно.

“Тээвэр хөгжлийн банк” нь БНХАУ-ын хил дамнасан юанийн төлбөр тооцооны систем болох (CIPS)-д шууд оролцогчоор элссэн Монгол улсын төдийгүй төв Ази дахь анхны арилжааны банк боллоо. Ингэснээр тус банк нь Монгол улсаас юанийн төлбөр тооцоог дэлхийн хаана ч найдвартай, түргэн шуурхай, бодит цагийн горимд /Real-time Gross Settlement/ гүйцэтгэх боломжийг харилцагчдадаа бүрдүүлжээ.

БНХАУ нь олон улсын зах зээлд юанийн хэрэглээг нэмэгдүүлэх, эргэлтийг хурдасгах, төлбөр тооцоогоо найдвартай гүйцэтгэх зорилгоор 2015 онд “Хил дамнасан юанийн төлбөр тооцооны үндэсний систем” (CIPS)-ийг нэвтрүүлсэн байдаг.

CIPS СИСТЕМИЙН АЧ ХОЛБОГДОЛ

1. Гадаад шилжүүлгийн хурд, хялбар байдал: CIPS систем нь юанийн төлбөр тооцоог бодит цагийн горимд гүйцэтгэх боломжийг олгох бөгөөд гадаад шилжүүлгийг урьд өмнө нь байгаагүй маш богино хугацаанд, хялбар гүйцэтгэх боломжийг олгоно.
2. Банк хоорондын хамтын ажиллагаа: CIPS системд 169 банк санхүүгийн байгууллага шууд оролцогчоор элсэн орсон бөгөөд олон улсад нэр хүндтэй тэдгээр  байгууллагуудтай юанийн төлбөр тооцоог шууд хийх боломж бүрдэнэ.
3. Банкны оролцогчдын төрөл: CIPS систем нь шууд болон шууд бус оролцогч гэсэн ангилалтай байдаг. Шууд оролцогч нь төлбөр тооцоог дундын банкаар дамжуулахгүйгээр гүйцэтгэх эрхтэй байдаг бол Шууд бус оролцогч нь дундын банкаар дамжуулан гүйцэтгэдэг гэдгээрээ ялгаатай юм.

ТЭЭВЭР ХӨГЖЛИЙН БАНКНЫ ШИНЭ АЛХАМ

“Тээвэр хөгжлийн банк” нь олон улсын жишигт нийцсэн хувийн банкны үйлчилгээг үзүүлэгч, санхүүгийн тогтвортой түнш банк байхын сацуу олон улсын зах зээлд өрсөлдөх чадвараа улам бүр нэмэгдүүлэхийг зорин ажилладаг. Энэхүү стратегийн хүрээнд банк нь олон улсын томоохон төлбөрийн системүүдийг үйл ажиллагаандаа нэвтрүүлэн ажиллаж, харилцагчдынхаа хэрэгцээ шаардлага, хамтын үнэ цэнийг эрхэмлэн ажиллаж байна.

CIPS системд шууд оролцогчоор элссэн энэхүү онцгой үйл явдал нь тус банкны санхүүгийн чадавхаа өндөр түвшинд бэхжүүлж, олон улсын банк санхүүгийн стандарт, зохицуулагч байгууллагын шалгуур үзүүлэлт, шаардлагыг бүрэн ханган ажилласны үр дүн юм.

“Тээвэр хөгжлийн банк” нь харилцагчдынхаа үнэт хэрэгцээг мэдэрч, итгэл төгс хамтын ажиллагаа, хөгжлийн хурдаар  түүчээлж, дэлхийн түвшний банк болохоор зорьж байна.

Тээвэр хөгжлийн банк нь “Алтан Виза” карт захиалсан болон картын үнэнч харилцагчдадаа зориулсан “Виза карттай бол Priority Pass-тай” онцгой урамшуулалт аяныг эхлүүллээ.

Картын харилцагчдадаа зориулсан тус аяны хүрээнд 5 жилийн хугацаатай, 495$ үнэлгээ бүхий “Priority Pass” эрхийг харилцагчдадаа урамшуулал болгон бэлэглэж буй юм.

АЯНД ОРОЛЦОХ НӨХЦӨЛ:

1. 2025.02.19 – 2025.03.15 дуусталх хугацаанд шинээр Алтан Visa (дебит, кредит) карт захиалсан тохиолдолд;
2. 2025.02.19 – 2025.03.10 дуусталх хугацаанд виза картаа ашиглан 2 сая ба түүнээс дээш дүнтэй худалдан авалтын гүйлгээ хийгээд Priority Pass эрх дагалдуулан авах боломжтой.

PRIORITY PASS ГЭЖ ЮУ ВЭ?

Дэлхийн 148 орны 1300+ гаруй онгоцны буудлын ВИП хүлээлгийн танхимаар нислэг хүлээх зуур үйлчлүүлж, тав тухтай аялах боломж юм.

 

 

ОНЦЛОХ ҮЙЛЧИЛГЭЭ

1. Премиум брэнд: Дэлхий даяарх хэрэглэгчдээс нисэх онгоцны
   буудлын хамгийн том хөтөлбөр, шилдэг лоунжтай
   хэмээн хүлээн зөвшөөрөгдсөн.
2. Хамгийн өргөн цар хүрээтэй үйлчилгээ: Гишүүд олон улсын нисэх онгоцны буудлын 1,300+ премиум үйлчилгээг авах боломжтой бөгөөд үүнд зөвхөн бидэнд зориулсан (хоол, спа, хоол гэх мэт) олон үйлчилгээг багтаасан.
3. Зайнаас ажиллах дижитал шийдлүүд: Priority Pass аппликейшн нь нисэх онгоцны буудлын танхимуудад нэвтрэх дижитал туслах ба 12 хэл, нисэх онгоцны буудлын газрын зураг болон бусад зүйлсийг багтаадаг.
4. Харилцагчид 24/7 туслах үйлчилгээ: PCI DSS стандарт бүрэн хангасан. 12 хэлийг хамарсан дэлхийн өнцөг булан бүрт хүрч үйлчлэх 24/7 лавлахтай, харилцагчид дэмжлэг үзүүлэх менежментийн үйлчилгээтэй.

Priority Pass дэлгэрэнгүй мэдээллийг ЭНД дарж авна уу.

Тээвэр хөгжлийн банк нь нь харилцагчдынхаа хэрэгцээ шаардлагад нийцсэн онцгой нөхцөл бүхий олон төрлийн урамшуулал, давуу талуудтай картуудыг санал болгодог.

КАРТЫН ХАРИЛЦАГЧ ХЭРХЭН БОЛОХ ВЭ?

1. Харилцагч та TransBank аппликэйшн болон digital.etransbank.mn-ээр дамжуулан картаа захиалах боломжтой.
2. Та манай банкны харилцагч бөгөөд картаа хаягдаж гээгдүүлсэн эсвэл шинээр карт захиалах бол заавал салбарт очих шаардлагагүйгээр харилцагчийн үйлчилгээний төвийн 1800 – 9999 дугаарт хандан захиалах боломжтой.
3. Хэрэв та манай банканд данс, бүртгэлгүй бол өөрт ойр байрлах салбар нэгжид өөрийн биеэр очиж, захиалах боломжтой.

 

 

Харилцагч та:

• • Урамшууллын талаар дэлгэрэнгүй мэдээлэл авахыг хүсвэл Харилцагчийн үйлчилгээний төвийн 1800 – 9999 лавлах утсанд хандаарай.
  • Картын дэлгэрэнгүй мэдээллийг ЭНД дарж авна уу.

Олон улсын жишигт нийцсэн хувийн банкны үйлчилгээ үзүүлэгч Тээвэр хөгжлийн банк нь  харилцагчдынхаа хамтын үнэ цэнийг эрхэмлэгч санхүүгийн тогтвортой түнш банк байхын сацуу банкны системд эзлэх байр сууриа улам бүр бэхжүүлэн ажиллаж байна.

Тээвэр хөгжлийн банк Бүгд Найрамдах Сингапур Улсын тэргүүлэгч DBS банктай корреспондент харилцаа тогтоож, сингапур долларын дансыг амжилттай нээлээ. Ингэснээр банкны харилцагч сингапур долларын гадаад шилжүүлгийг түргэн шуурхай, шимтгэлийн таатай нөхцөлтэйгөөр хийх боломж бүрдлээ.

DBS банк нь 57 жилийн түүхтэй, олон улсын 19 зах зээлд үйл ажиллагаагаа явуулдаг дэлхийн нэр хүнд бүхий томоохон банкуудын нэг юм.

Дэлхийн нэр хүнд бүхий банктай хамтын ажиллагаагаа ийнхүү өргөжүүлсэн нь Тээвэр хөгжлийн банк нь олон улсын стандартыг хангаж ажилласны үр дүн билээ.

Тээвэр хөгжлийн банкны гадаад төлбөр тооцооны үйлчилгээний талаар дэлгэрэнгүй мэдээлэл авах бол ЭНД дарна уу.

Монгол Улсын хэмжээнд үйл ажиллагаа явуулж буй арилжааны банкууд олон улсын жишгийн дагуу IBAN дансны дугаарлалтын системд үе шаттайгаар шилжиж буй билээ. Энэхүү шинэчлэлийн хүрээнд Тээвэр хөгжлийн банк IBAN дансны дугаарлалтыг үйл ажиллагаандаа 2025.04.01-нээс нэвтрүүлж эхэлнэ. Ингэснээр харилцагчид банк хоорондын гүйлгээ хийхдээ IBAN дансны дугаар ашиглан гүйлгээ хийх боломжтой болох бөгөөд банк хоорондын бүх гүйлгээ зайлшгүй IBAN дансны дугаараар хийгдэх юм. Харин Тээвэр хөгжлийн банкны данс хоорондын гүйлгээнд IBAN дансны дугаарыг ашиглах шаардлагагүй.

Энэхүү өөрчлөлт нь гүйлгээний аюулгүй байдал, хурд, найдвартай байдлыг нэмэгдүүлэх зорилготой.

IBAN гэж юу вэ?

IBAN (International Bank Account Number) нь 20 орон бүхий олон улсын ISO 13616–1, 2 стандартаар хүлээн зөвшөөрөгдсөн дансны дугаарлалт юм. Энэ нь банк хоорондын гүйлгээний нэгдсэн кодчлолтой систем бөгөөд хүлээн авагчийн улс, банкны дугаарыг агуулдаг.

IBAN системийн нэвтрүүлэлт нь зөвхөн технологийн шинэчлэл биш, харин Монгол Улсын банкны салбарыг олон улсын стандартад нийцүүлэн, илүү хүртээмжтэй, найдвартай, хурдан болгох томоохон алхам юм.

2024 оны 12 сарын 31-ний байдлаар Тээвэр хөгжлийн банкны нийт актив 1.1 их наяд төгрөгт хүрлээ.

Тайлант хугацаанд активын чанарыг сайжруулж, эх үүсвэрийн өсөлтийг хангаж ажилласны үр дүнд цэвэр ашиг 11.6 тэрбум төгрөгт хүрч, зээлийн эрсдэл даах чадварын харьцаа үзүүлэлтийг 87 хувь хүргэн өмнөх оны үзүүлэлтээс 26 нэгж хувь өсгөлөө.

Монголбанкнаас тогтоосон харьцааны шалгуур үзүүлэлтүүд зохистой хэмжээнд байна. Төлбөр түргэн гүйцэтгэх чадварын харьцаа үзүүлэлт 31.8 хувь, өөрийн хөрөнгийн зохистой харьцааны доод түвшинг 13.2 нэгж хувь давуулан биелүүлж 25.2 хувь хүрлээ.

Тээвэр хөгжлийн банк нь тайлант хугацаанд харилцагчийн үйлчилгээний соёл, стандартыг дээшлүүлэн төгөлдөржүүлж, эрсдэлийн удирдлага, дотоод үйл ажиллагааг илүү чанаржуулж ажилласны үр дүнд үйлчилгээний хүртээмж, цар хүрээ, үр ашиг, өрсөлдөх чадварыг нэмэгдүүлэн, урт хугацааны санхүүгийн чадавх, тогтвортой байдлыг ахиулан дээшлүүллээ.

Та бүхэн санхүүгийн дэлгэрэнгүй мэдээлэлтэй ЭНД дарж танилцаарай.