Гадаад руу гүйлгээ илгээхдээ хүлээн авагчаас дараах мэдээллийг урьдчилан авах шаардлагатайг анхаарна уу. Үүнд:

• Хүлээн авагчийн овог нэр, хаяг, иргэний үнэмлэхний дугаар
• Хүлээн авагчийн банкны нэр болон SWIFT код
• Хүлээн авагч банкны корреспондент банкны нэр, SWIFT код (хэрэв байгаа бол)
• Гүйлгээний утга талбарт гүйлгээний зориулалтыг (жишээлбэл, сургалтын төлбөр, бэлэг, хандив гэх мэт) зааж өгнө.

Корреспондент банкны шимтгэлийг хариуцах тал:

• SHA – Шилжүүлэгч нь дундын банкны шимтгэлийг хариуцахгүй бөгөөд шимтгэлийг корреспондент банкууд нийт дүнгээс суутгана.
• OUR – Шилжүүлэгч нь эхний дамжуулагч банкны шимтгэлийг хариуцна. Бусад дундын банкны шимтгэл нийт шилжүүлсэн дүнгээс суутгагдана.
• Fullpay /G-OUR/ – Энэ сонголт нь зөвхөн ам.долларын шилжүүлэгт хамаарна. Шилжүүлэгч нь бүх дундын банкны шимтгэлийг хариуцах бөгөөд хүлээн авагч нь төлбөрийг бүтэн дүнгээр хүлээн авна.

Эрхэм харилцагч та гадаад улс руу гүйлгээ илгээх гэж байгаа бол доорх мэдээлэлд анхаарлаа хандуулна уу.

• Хэрэв та гадаад худалдаа эрхэлдэг бөгөөд хүлээн авагчийн мэдээлэл өөрчлөгдсөн тул төлбөрөө өөр данс руу шилжүүлэхийг хүссэн цахим шуудан хүлээн авсан бол хүлээн авагчтайгаа утсаар холбогдож тус мэдээллийг баталгаажуулна уу.
• Хэрэв та өөрийн хувийн зураг, бичлэгээ онлайнаар танихгүй этгээдэд алдсан бөгөөд тухайн этгээд нь төлбөр нэхэн дарамт үзүүлсэн бол яаралтай цагдаагийн байгууллагад мэдэгдэхийг зөвлөж байна.
• Хэрэв таны компьютер, гар утсанд таныг сугалааны азтан болсон эсвэл их хэмжээний мөнгөн шагнал хожсон тухай мэдэгдэл ирж, урьдчилгаа төлбөр шилжүүлэхийг хүссэн бол энэ нь нийтлэг тохиолддог цахим гэмт хэргийн хэлбэр юм.

Хэрэв танд дээрхийн аль нэг нь тохиолдсон болон тохиолдож болзошгүй гэж үзсэн бол цагдаагийн байгууллагатай 11-311606, 102 дугаарын утсаар холбогдож дэлгэрэнгүй мэдээлэл, зөвлөгөө авна уу. Мөн www.service.police.gov.mn цахим хаягаар цагдаагийн байгууллагад өргөдөл, гомдлоо илгээх боломжтой.