Чансаа овогтой Зоригтбаатар нь 1997 онд Санхүү эдийн засгийн дээд сургуулийг Банк санхүүгийн эдийн засагч мэргэжлээр Бакалавр, 1998 онд Монгол Улсын Их сургуулийн Хууль эрх зүйн сургуулийг Эрхзүйч мэргэжлээр Бакалавр, Магистр зэрэг тус тус хамгаалж төгссөн.

Тэрээр банк санхүүгийн байгууллагад 25 гаруй жил ажиллаж байгаа туршлагатай бөгөөд ажиллах хугацаандаа 1996 онд Төрийн өмчийн хорооны хуулийн зөвлөх, 1997-1998 онд Монгол Улсын их сургуулийн Хууль зүйн дунд сургуулийн хичээлийн эрхлэгч, 1998-2006 онд Монголбанкны Хуулийн хэлтсийн мэргэжилтэн, 2006-2009 онд Зоос банканд эрх зүйн газрын захирал, Анод банк ХК дахь банкны эрх хүлээн авагчийн зөвлөлийн гишүүн, 2016 онд Төрийн банкны ахлах мэргэжилтэн мөн өмгөөлөгчдийн холбооны өмгөөлөгчөөр одоог хүртэл ажиллаж байна.

Ч.Зоригтбаатар нь Тээвэр Хөгжлийн Банкны Төлөөлөн удирдах зөвлөлийн хараат бус гишүүнээр 2024 оны 02 дугаар сарын 01-ний өдрөөс эхлэн томилогдон ажиллаж байна.

Б.Оюунцацрал нь 2021 оны 4-р сараас эхлэн Тээвэр хөгжлийн банкны Төлөөлөн удирдах зөвлөлийн хараат бус гишүүнээр сонгогдон ажиллаж байна.

Тэрээр банк, санхүүгийн салбарт 20 гаруй жил ажилласан туршлагатай бөгөөд 1996 оноос эхлэн Монголбанкны Хяналт шалгалтын газарт хянан шалгагч, ахлах хянан шалгагчаар ажиллаж байсан. 2015 оноос Санхүүгийн зохицуулах хорооны Эрсдэлийн удирдлагын газар, Хяналт шалгалтын газрын даргаар мөн Шинэ эрин медикал ХХК-ийн Гүйцэтгэх захирлаар тус тус ажиллаж байсан.

Б.Оюунцацрал нь 1994 онд МУИС-ийн Эдийн засгийн факультетыг банкны эдийн засагч мэргэжлээр, 1996 онд МУИС-ийг Бизнесийн удирдлагын магистр зэрэгтэй сурч төгссөн ба 2005 онд Япон улсын София их сургуульд Олон улсын бизнесийн удирдлага магистр зэргийг тус тус хамгаалж төгссөн.

Батсүрэн овогтой Баттүшиг нь 2008 онд АНУ-ын Дикинсоны Улсын Их сургуулийг улс төр судлалын бакалаврын зэрэг, түүхийн бага мэргэжилтэйгээр, 2014 онд АНУ-ын Чикаго-Кентын Хуулийн сургуулийг Жүрис Доктор зэрэгтэйгээр тус тус сурч төгссөн бөгөөд 2014 онд Иллинойс мужийн Хуульчдын холбоонд, 2021 онд Монголын Хуульчдын холбоонд мөн 2022 онд Монголын Өмгөөлөгчдийн холбоонд тус тус элссэн.

Тэрээр банк санхүүгийн чиглэлээр 10 гаруй жил ажиллаж байгаа туршлагатай бөгөөд  2015-2018 онуудад Өмгөөллийн Жи Ти Эс ХХН-д ахлах хуульч, нөхөрлөлийн гишүүн мөн 2019 онд Өмгөөллийн Ди Би энд Жи Ти Эс ХХН-д хамтран үүсгэн байгуулагчаар тус тус ажиллаж байсан ба 2023 оноос Ондо Холдинг ХХК-ийн стратеги хариуцсан захирал, 2024 оноос Гүйцэтгэх захирлаар одоог хүртэл ажиллаж байна.

Ийнхүү Тээвэр хөгжлийн банк ХК-ийн Төлөөлөн удирдах зөвлөлийн хараат бус гишүүнээр 2024 оны 12 дугаар сарын 16-ны өдрөөс эхлэн ажиллаж байна.

Х.Баттулга нь 2023 оны 4 дүгээр сараас Тээвэр хөгжлийн банкны Дотоод аудитын газрын захирал албан тушаалд томилогдон ажиллаж байна.

Арилжааны банканд 2010 оноос хойш аудит, хяналт шалгалтын чиглэлээр ажилласан туршлагатай тэрээр 2010-2013 онд Хадгаламж банканд хянан шалгагч, ахлах хянан шалгагч, 2013-2019 онд Төрийн банканд ахлах хянан шалгагч, 2019-2021 оны Кредит банканд Дотоод аудитын хэлтсийн захирал, 2021-2023 онд Тээвэр хөгжлийн банканд зайны хяналтын албаны захирал, ерөнхий аудитын албаны захирал албан тушаалд тус тус томилогдон ажиллаж байв.

Х.Баттулга нь 2000-2006 онд Улаанбаатар хотын 11-р дунд сургуульд ерөнхий боловсрол эзэмшсэн бөгөөд 2010 онд МУИС-ийн Эдийн засгийн сургуулийг санхүү, эдийн засагч мэргэжлээр бакалавр, 2022 онд МУИС-ийн Хууль, зүйн сургуулийг эрх зүйч мэргэжлээр бакалавр зэрэгтэйгээр тус тус төгссөн. Мөн Компанийн засаглалын сургалтад хамрагдсан.

С.Сайнжаргал нь ОХУ-ын Засгийн газрын тэтгэлэгээр Томскийн Улсын их сургуулийн Хууль Зүйн сургуулийг 2018 онд Эрх зүйч мэргэжлээр Бакалавр зэрэг, Монгол Улсын Их сургуулийн Бизнесийн сургуулийг санхүүч мэргэжлээр 2024 онд Магистр зэргийг тус тус хамгаалж төгссөн.

Тэрээр Кредит банк ХХК-д 2019 оноос хойш Төлөөлөн Удирдах зөвлөлийн нарийн бичгийн даргаар ажилласан бөгөөд ажиллах хугацаандаа Компанийн Төлөөлөн Удирдах зөвлөлийн гишүүн, нарийн бичгийн дарга нарт зориулсан Компанийн засаглалын сургалтад хамрагдсан.

С.Сайнжаргал нь 2021 оны 8 дугаар сараас ийнхүү Тээвэр хөгжлийн банк ХК-д Төлөөлөн удирдах зөвлөлийн нарийн бичгийн даргаар томилогдон ажиллаж байна.