作者： Nasantsatsral B

分类
安全提示

Фишинг халдлага

Фишинг (Phishing) гэдэг нь хуурамч хаягнаас цахим шуудан илгээж, хүний хувийн мэдээлэл /(нэвтрэх нэр, нууц үг, пин код гэх мэт)/-ийг хулгайлах зорилгоор хийгддэг цахим халдлагын нэг төрөл юм.

Халдлага үйлдэгч буюу фишер нь бусдын дансны болон хувийн мэдээллийг хулгайлахын тулд итгэмжлэгдсэн олон нийтийн сүлжээг (цахим шуудан, утас, мессенжер чат, мессеж гэх мэт) дуурайн ашиглаж түүгээр дамжуулан хэрэглэгчийн мэдээллийг авахыг оролддог. Фишерүүд нь бусдын мэдээллийг ашиглан халдлага үйлдэж, санхүүгийн алдагдалд хүргэх, сэтгэл зүйгээр хохироход ч хүргэж болзошгүй юм.

Хуурамч, фишинг цахим шуудан нь доорх нийтлэг шинжтэй байдаг. Үүнд:

  1. Цахим шуудан дахь мэдээллийн агулга нь логик алдаатай, үг, найруулга, бичиглэлийн алдаатай байх,
  2. Хаанаас, хэнээс илгээсэн эх сурвалж, цахим шуудангийн хаяг тодорхойгүй, эсвэл таны мэддэг хүн, байгууллагын цахим шуудангийн хаягтай ижил төстэй харагдахаар дуурайлгасан,
  3. Хувийн болон санхүүгийн мэдээллийг хүссэн шаардсан,
  4. Нууц үгээ, нууц кодоо солихыг шаардсан шинж, агуулгатай цахим шуудан ихэвчлэн фишинг төрлийн халдлага байх магадлалтай.
  5. Таны нууц үг солигдсон, төлбөрийн мэдээлэл, дансны дугаар өөрчлөгдсөн тухай анхааруулсан шинжтэй,
  6. Их хэмжээний мөнгө хожсон, өв залгамжилсан, сугалаанд хожсон зэрэг агуулгатай,
  7. Дуурайлган хийсэн, ижил төстэй домэйн бүхий вэб сайт ашиглах замаар фишинг халдлага хийгддэг.
分类
汇款服务相关问题

Гадаад төлбөр тооцоо хийхэд анхаарах зүйлс?

Та гадаад төлбөр тооцоо хийхдээ хүлээн авагчийн нэр, дансны дугаар, хаяг болон хүлээн авагчийн банкны свифт код, нэр, хаяг, төлбөрийн зориулалтыг мэдээллийг дэлгэрэнгүй үнэн зөв мэдэж байхад болно.

分类
汇款服务相关问题

Танай банкны гадаад гуйвуулга аль улсын ямар валютаар хийгддэг вэ?

Манай банк USD, GBP, RUB, JPY, CNY, EUR, HKD, SGD зэрэг гадаад валютын гүйлгээг тогтмол хийж байна.

分类
汇款服务相关问题

Гадаад төлбөр тооцоо хийгдэх хугацаа?

Гадаад төлбөр тооцооны гүйлгээ нь ажлын 1-3 хоногт илгээгдэнэ.

分类
Дотоод аудит

Дотоод аудит

Тээвэр хөгжлийн банкны Дотоод аудитын газар нь Монгол Улсын Компанийн тухай хууль, Банкны тухай хуулийн дагуу Төлөөлөн удирдах зөвлөлийн дэргэдэх Аудитын хороонд шууд харьяалагдаж, Гүйцэтгэх удирдлагаас хараат бусаар зохион байгуулагдсан байдаг.

Дотоод аудитын үйл ажиллагааг олон улсын Дотоод аудиторуудын институт (The IIA)-аас баталсан Дотоод аудитын олон улсын стандартад нийцүүлэн ажиллаж байна.

Дотоод аудитын үндсэн чиг үүрэг, тайлагналт

Дотоод аудитын газар нь банк болон түүний харилцагчийн хүсэн хүлээж байгаа үр дүнг бий болгож, үйл ажиллагааны үнэ цэнийг нэмэгдүүлэх, сайжруулах зорилгоор банкны дотоод хяналтын тогтолцоо, эрсдэлийн удирдлагын тогтолцоо, засаглалын зарчмуудын хэрэгжилтийг хараат бус, бодит хандлагаар баталгаажуулах, зөвлөх үйл ажиллагааг хэрэгжүүлдэг. Өөрөөр хэлбэл банкны бүх түвшний нэгжийн үйл ажиллагаанд аудит хийж үнэлэлт, дүгнэлт, санал, зөвлөмж өгөх замаар банкны үйл ажиллагаанд дэмжлэг үзүүлэх үндсэн чиг үүрэгтэй ажилладаг.

Аудитын үр дүн, ажлын тайланг Төлөөлөн удирдах зөвлөлийн дэргэдэх Аудитын хороонд тайлагнах, Гүйцэтгэх шатны удирдлагад мэдээлэх зарчмаар ажилладаг.

分类
金融教育

МОНГОЛ УЛСЫН “ТОП-100” АЖ АХУЙН НЭГЖИЙН НЭГ БОЛЛОО

23 дахь жилдээ Монгол Улсын Засгийн газар, МҮХАҮТ-аас зохион байгуулагдаж байгаа Монгол улсын “ТОП-100” аж ахуйн нэгжийн нэгээр Тээвэр хөгжлийн банк дахин тодорч энэхүү нэр хүндтэй шагналаа гардан авлаа.

“ТОП-100” аж ахуйн нэгжийг эрэмбэлэн, алдаршуулахдаа тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн 5 үзүүлэлтийг чухалчилдаг бөгөөд Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Улсын бүртгэлийн ерөнхий газар, Үндэсний статистикийн хорооны албан ёсны мэдээ, тайлан, тоон үзүүлэлтэд тулгуурладаг болно.

Тээвэр хөгжлийн банк нь сүүлийн жилүүдэд хувийн банкны үйлчилгээгээ олон улсын жишигт нийцүүлэн үзүүлж байгаа ба бизнесийн тэлэлт, цэвэр ашгийн тогтвортой өсөлтийн үр дүнд Монгол Улсын том татвар төлөгчдийн эгнээнд зүй ёсоор шалгарсаар ирлээ.

Бид харилцагчдынхаа санхүүгийн эрсдэлийг бууруулахад чиглэсэн олон улсын тэргүүн туршлага, орчин үеийн дэвшилтэт технологид суурилсан бүтээгдэхүүн, үйлчилгээг үзүүлэхийн зэрэгцээ картын бие даасан системээ бий болгосон төдийгүй түүгээрээ дамжуулан цэвэр металл хийцлэлтэй, өндөр зэрэглэлийн картын үйлчилгээг нэвтрүүлэн ажиллаж байна.

Түүнчлэн банк нь БНХАУ-ын Бээжин болон Япон улсын Токио хотноо “Төлөөлөгчийн газар”-аа нээж, тухайн орны харилцагчдад Монголын бизнесийн салбар болон банкны бүтээгдэхүүн үйлчилгээг сурталчлах гол цонх болж байна.

Бидэнтэй үргэлж хамт байдаг харилцагч, түншүүдийнхээ хамтын ажиллагаанд талархал илэрхийлье.

分类
可持续发展知识 新闻动态

ТЭЭВЭР ХӨГЖЛИЙН БАНК ХҮҮХДИЙН БОЛОВСРОЛЫГ ДЭМЖИХ ИХ ҮЙЛСЭД НЭГДЛЭЭ

Тээвэр хөгжлийн банк нь Дэлхийн хүүхдийн өдрийг тохиолдуулан НҮБ-ын Хүүхдийн сан болон IWFCI Mongolia хамтран зохион байгуулж буй ГАЛА арга хэмжээнд “Сургалтын ухаалаг багц” төслийг дэмжин ажиллагч байгууллагаар оролцлоо.

Банк тус төсөлд хөрөнгө оруулан, дэмжиж буй нь алслагдсан аймаг, сумдын цэцэрлэгт хамрагдаж чадахгүй байгаа хүүхдүүдэд гэрээсээ мэргэжлийн багшийн сургалт авах боломжийг нээж өгөхөд оршиж буй юм.

“Сургалтын ухаалаг багц” төслөөр дамжуулан гэрэлт ирээдүй болсон хүүхдүүдийн боловсролыг дэмжин, хүүхэд бүрд хөгжих боломжийг бүрдүүлэхэд хүн бүр өөрсдийн зүгээс өгч чадах хувь нэмрээ оруулахыг Тээвэр хөгжлийн банкны зүгээс уриалж байна.

分类
Банкны түүхэн замнал, онцлох үйл явдлууд

2024 оны 11-р сар

Монгол улсын “ТОП-100” аж ахуйн нэгжийн нэгээр Тээвэр хөгжлийн банк дахин тодорч, нэр хүндтэй шагналаа гардан авлаа.

分类
可持续发展知识 新闻动态

МОД ТАРИХ ҮЙЛСЭД ДАХИН НЭГДЛЭЭ

Тээвэр хөгжлийн банк Монгол орны уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх зорилготой “Тэрбум мод” үндэсний хөдөлгөөний хүрээнд тогтвортой хөгжлийг дэмжихэд хувь нэмрээ оруулан  “Намрын мод тарих өдөр”-т оролцож, ээлжит модоо тарилаа.
Монгол Улсад банкны тогтолцоо үүсэж, бэхэжсэний 100 жил, Ойн салбарын 100 жилийг тохиолдуулан Тэрбум Мод Сан-гаас хэрэгжүүлж буй мод тарих өдөрлөг өнөөдөр Улиастайд байрлах Эко цэцэрлэгт хүрээлэнд боллоо.
分类
金融教育 新闻动态

ТЭЭВЭР ХӨГЖЛИЙН БАНК 2024 ОНЫ 3 ДУГААР УЛИРЛЫН САНХҮҮГИЙН ТАЙЛАНГАА ТАНИЛЦУУЛЖ БАЙНА

Банкны нийт хөрөнгө тогтвортой өсөж 985 тэрбум төгрөгт хүрч, татварын дараах цэвэр ашиг өмнөх оны мөн үеэс 88 хувиар өсөж 8 тэрбум төгрөгт хүрлээ.

Монголбанкнаас тогтоосон зохистой харьцааны шалгуур үзүүлэлтүүдийг тайлант хугацаанд бүрэн хангаж ажилласан ба үүнээс төлбөр түргэн гүйцэтгэх чадварын харьцаа 30.2 хувь, өөрийн хөрөнгийн хүрэлцээ 23.9 хувь байна.

Банкны 2024 оны 3 дугаар улирлын үйл явдлаас онцолбол:

  • Бээжин, Токио дахь өөрийн төлөөлөгчийн газруудаар дамжуулан нийт харилцагчдын санхүүгийн хэрэгцээнд нийцсэн шинэлэг бүтээгдэхүүн үйлчилгээг нэвтрүүлэн ажиллаа.
  • Мэдээллийн аюулгүй байдлын олон улсын ISO/IEC 27001:2022 стандартыг амжилттай нэвтрүүлэн бизнесийн тогтвортой байдлыг ханган ажиллаж байна.
  • Олон улсын жишигт нийцсэн хувийн банкны үйлчилгээг улам бүр өргөжүүлэн тэлж, харилцагчдадаа санхүүгийн үйлчилгээг хүртээмжтэй хүргэх зорилгоор нийслэл хотын төв цэгт байрлах Министер Тауэрт отгон салбараа нээлээ.

Эрхэм харилцагч та Тээвэр хөгжлийн банкны шинэ салбараар зочлон банкны бүх төрлийн үйлчилгээг нэг дороос, түргэн шуурхай авах боломжтой.

2024 оны III улирлын санхүүгийн тайлантай ЭНД ДАРЖ дэлгэрэнгүй танилцаарай.