Ангилал: Ерөнхий мэдээлэл

Бид Монгол орны уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх зорилготой “Тэрбум мод” үндэсний хөдөлгөөний хүрээнд тогтвортой хөгжлийг дэмжихэд хувь нэмрээ оруулан хаврын мод тарих аянд 5 дахь жилдээ нэгдэн оролцлоо.

Уур амьсгалын өөрчлөлт, нөлөөллийг бууруулах чухал ач холбогдолтой энэхүү үйл ажиллагааны хүрээнд Улиастайд байрлах Олон улсын эко цэцэрлэгт хүрээлэнд өмнө жил тарьж ургуулсан моддынхоо арчилгаа, усалгааг хийхийн сацуу шинээр 20 гаруй мод тарилаа.

Мөн арга хэмжээний үеэр Тээвэр хөгжлийн банкийг  Тэрбум мод үндэсний хөдөлгөөнд жил бүр идэвх зүтгэлтэй оролцож, мод тарих соёлыг түгээн дэлгэрүүлж, ногоон байгууламжийг нэмэгдүүлснийг үнэлж, Олон улсын эко цэцэрлэгт хүрээлэнгээс БАТЛАМЖ гардуулан өглөө.

Экологийн тэнцвэрт байдлыг хангахад чухал ач холбогдолтой, байгаль дэлхийд үнэлшгүй их хөрөнгө оруулалт болсон мод тарих үйлсэд бүх нийтээрээ нэгдэж, зөв ургуулан арчлахыг уриалж байна.

Фишинг (phishing) гэдэг нь хуурамч э-мэйл, мессеж, вэбсайт ашиглан хүмүүсийг хувийн мэдээлэл (нууц үг, картын дугаар гэх мэт)-ийг олж авах зорилготой хуурч мэхлэх кибер халдлагын нэг хэлбэр юм.

Жишээ: Банкнаас ирсэн мэт харагдах э-мэйлээр таны нууц үгийг асуух.

Та өөрт ирсэн и-мэйлд доорх сэжиг бүхий зүйлс байгаа эсэхийг шалгаж хэвшээрэй.

Илгээгч (from):

1. Танихгүй, сэжигтэй хаягаас ирсэн эсэхийг шалга.
2. Хаягийн бичиглэлд анхаар: үсэг алдаатай, үсгийн байрыг сольсон, ижил үсгээр сольсон гэх мэт. Жишээ: @facebok.com, @mazon.com, @rnongoldank.mn, @transbank.com г.м

Хүлээн (to):

1. Таныг олон үл таних хүмүүстэй хамт CC, TO хэсэгт оруулсан байж болзошгүй.

Гарчиг (subject):

1. Хэт анхаарал татсан эсвэл таны явуулаагүй мэйлд хариу мэт харагдах.
2. Агуулгатайгаа нийцэхгүй гарчигтай.

Агуулга (mail body):

1. Шагнал урамшуулал амлах, сугалаанд хожсон гэх мэт худал амлалт.
2. Айдас, түгшүүр төрүүлж яаралтай мэдээлэл баталгаажуулахыг шаардах. Жишээ: “Таны аккаунт хакердуулсан”, “Нэвтрэх эрх хаагдах гэж байна”
3. Холбоос (линк) дээр дарах, хавсралт (attach) файл нээхийг ятгасан.
4. Дээрхтэй жишээнүүдтэй хамааралтайгаар хугацаа зааж үйлдлээ түргэн хийхийг шамдуулсан.

Холбоос (link):

1. Хулганаа холбоос дээр аваачиж хаашаа үсрэхийг шалга. Жишээ: www.amazon.com мэт харагдавч үнэндээ www.xyzabc.net эсвэл 160.154.156 хуурамч IP хаяг эсвэл утгагүй линк байж болно.
2. Ямар ч юм бичээгүй холбоосноос өөр юмгүй хоосон э-мэйл байх
3. Хаяг бичиглэл анзаарагдамгүй байдлаар алдаатай. Жишээ нь transbank.com, transbankmn.mn, trans-bank.mn гэх мэт хууртагдахгүй байхыг анхааруулж байна.

Эрхэм харилцагч таны хувийн мэдээллийг ашиглан цахим залилан үйлдэх боломжтой тул хувийн мэдээллээ нууцалж, аюулгүй байдлаа хангах дараах зөвлөмжийг дагаарай.

1. Тусгай нэвтрэх нэр ашиглах: Утасны дугаар, өөрийн нэр, төрсөн он сар өдөр, имэйл хаяг гэх мэт тааварлах боломжтой нэвтрэх нэрийг үүсгэхгүй байх, интернэт банк тус бүр дээр өөр өөр тусгай нэвтрэх нэр ашиглах;
2. Хүчтэй нууц үгийг ашиглах: Төрсөн огноо, утасны дугаар, нэр гэх мэт нийтлэг үг хэллэг эсвэл амархан таамаглах боломжтой мэдээллийг ашиглахаас татгалзах;
3. Тусгай нууц үг ашиглах: сошиал сүлжээ, имэйл хаяг, бусад веб дээр ашигладаг нууц үгээ интертнэт банканд ашиглалгүй зөвхөн тусгай нууц үгийг ашиглах, Интернэт банк тус бүр дээр өөр өөр нэвтрэх нууц үг, гүйлгээний нууц үгийг ашиглах;
4. Нууц үгийг аюулгүй байлгах: Нууц үгээ бусдад дамжуулахгүй байх, бичиж үлдээх эсвэл хамгаалалтгүй газар хадгалахгүй байх, Нууц үгийг тогтмол байнга сольж мөн интернэт банкийг ашиглаж дууссаны дараагаар хааж хэвших;
5. Хүлээн авагчийн нэрийг нягтлах: Интернэт банкаар гүйлгээг хийхээс өмнө дансны эзэмшигчийн нэрийг заавал нягталсны дараагаар гүйлгээг хийх;
6. Давхар баталгаажуулалт: Давхар баталгаажуулалт нь таны дансанд нэвтрэх, зээл авах, гүйлгээ хийх, нэмэлт үйлчилгээ авахад нууц үгээс гадна нэмэлт хамгаалалтыг үүсгэдэг тул мессеж болон имэйлээр ирсэн нэг удаагийн тоо болон тэмдэгтээс бүрдсэн 4-8 оронтой давхар баталгаажуулалт хийх нууц үгийг бусдад дамжуулахгүй байх;
7. Дансны үйл ажиллагааг хянах: Өөрийн дансны үйл ажиллагааг тогтмол хянах мөн нэмэлтээр имэйлээр болон мессежээр гүйлгээний мэдээллийг хүлээн авч сэжигтэй болон зөвшөөрөлгүй гүйлгээ хийгдсэн бол нэн даруй цагдаагийн газарт болон банканд мэдээлэх;
8. Фишинг имэйл, мессежээс болгоомжил: Банк хэзээ ч таны хувийн мэдээлэл, интернэт банкны нэвтрэх нэр, нууц үгийг харилцагч танаас шаардахгүй. Имэйл, мессеж болон бусад сувгаар хүлээн авсан линк холбоос дээр дарах, хавсаргасан файлыг нээж үзэхээс өмнө илгээгчийг үнэн зөв эсэхийг сайтар нягтлах, хувийн мэдээлэл, нэвтрэх нэр, нууц үгийг оруулахаас татгалзах;
9. Аюулгүй төхөөрөмж ашиглах: Нийтийн, дундын ашигладаг төхөөрөмжүүд болон үнэгүй Wifi зэргийг ашиглан интернэт банк ашиглахаас татгалзах, интернэт орчинд өөрийн аюулгүй байдлыг хангахын тулд анти-вирус  аюулгүй байдлын программ хангамжийг ашиглаж буй төхөөрөмждөө суулгах.

Хадгаламж барьцаалсан кредит картын “Хадгаламжтай бол Кредит карттай аян” 2025.06.30-ны өдрийг дуустал зарлагдлаа.

Аяны нөхцөл:

Gold Visa / Gold UP карт 

1. 10-50 сая төгрөгийн хадгаламжтай харилцагчид кредит карт захиалбал Visa болон Union Pay алтан карт хураамжгүй.
2. 50-100 сая төгрөгийн хадгаламжтай харилцагчид кредит карт захиалбал Visa алтан карт үнэгүй+Priority Pass гишүүнчлэлийн эрх үнэгүй.

_______________________________________________________

Billionaire Visa Gold /Platinum Visa карт 

1. 100-500 сая төгрөгийн хадгаламжтай харилцагчид кредит карт захиалбал Billionaire Visa Gold, Platinum Visa картыг элсэлтийн хураамжийг 50 хувийн хөнгөлөлттэй олгоно;
2. 500 сая төгрөгөөс дээш хадгаламжтай харилцагчид кредит карт захиалбал Billionaire Visa Gold, Platinum Visa картыг 100% элсэлтийн хураамжаас чөлөөлнө.

Аяны шаардлага: Хадгаламжийн хугацаа 12 сар болон түүнээс дээш байх.

Кредит карт захиалснаар дараах давуу талуудыг эдлэх боломжтой:

1. Хадгаламжийн үнийн дүнгийн 80% хүртэл зээлийн эрх тогтоолгох боломж;
2. Priority Pass-н гишүүнчлэлийн 5 жилийн эрх үнэгүй;
3. ПОС, E-Commerce худалдан авалтад эхний 50 хоног хүүнээс чөлөөлөгдөх боломжтой.

Billionaire Visa Gold/Platinum Visa цэвэр метал карт

1. “Vault” гишүүнчлэлийн эрхийн 50% хөнгөлөлт;
2. “Billionaire X” тансаг зэрэглэлийн авто машин ашиглах эрх;
3. “Vault”-ийн 10% буцаан олголт, ”Alfie” рестораны 5% буцаан олголт авах боломжтой.

Харилцагч та Тээвэр хөгжлийн банкны өөрт ойр байрлах салбар нэгжид хандан үйлчилгээг авах боломжтой.

Картын дэлгэрэнгүй мэдээллийг:

1. Billionaire Visa Gold, Platinum Visa картын дэлгэрэнгүй мэдээллийг ЭНД дарж авна уу.
2. Visa, UnionPay картын дэлгэрэнгүй мэдээллийг ЭНД дарж авна уу.

Аяны талаар дэлгэрэнгүй мэдээлэл авахыг хүсвэл Харилцагчийн үйлчилгээний төвийн  1800 – 9999 лавлах утсанд хандаарай.

Тээвэр хөгжлийн банк IBAN дансны дугаарыг 2025.04.01-нээс эхлэн ашиглаж эхэллээ.

Монгол Улсын хэмжээнд үйл ажиллагаа явуулж буй арилжааны банкууд олон улсын жишгийн дагуу IBAN дансны дугаарлалтын систем рүү шилжиж буй билээ. Энэхүү өөрчлөлт нь гүйлгээний аюулгүй байдал, хурд, найдвартай байдлыг нэмэгдүүлэх зорилготой.

IBAN дансны дугаар гэж юу вэ?

IBAN нь International Bank Account Number гэсэн үгний товчлол бөгөөд харилцагчийн банк, улс болон дансны дугаар гэх мэт чухал мэдээллүүдийг агуулсан 20 орон бүхий дансны дугаарлалт юм. IBAN дугаарыг ашигласнаар олон улсын гүйлгээ, төлбөр тооцоог, аюулгүй гүйцэтгэх боломжтой.

Дансны дугаар: MN81 0019 009000012345

1. MN – Улсын код
2. 81 – Хяналтын орон
3. 0019 – Банкны дугаар
4. 009000012345 – Дансны дугаар

Харилцагч та бүхэнд Тээвэр хөгжлийн банкны Интернэт банкаар дамжуулан IBAN дугаар ашиглан хэрхэн гүйлгээ амжилттай хийх зааврыг хүргэж байна.

Монгол Улсын хэмжээнд үйл ажиллагаа явуулж буй арилжааны банкууд олон улсын жишгийн дагуу IBAN дансны дугаарлалтын систем рүү шилжиж буй билээ. Энэхүү өөрчлөлт нь гүйлгээний аюулгүй байдал, хурд, найдвартай байдлыг нэмэгдүүлэх зорилготой.

IBAN дансны дугаар гэж юу вэ?

IBAN нь International Bank Account Number гэсэн үгний товчлол бөгөөд харилцагчийн банк, улс болон дансны дугаар гэх мэт чухал мэдээллүүдийг агуулсан 20 орон бүхий дансны дугаарлалт юм. IBAN дугаарыг ашигласнаар олон улсын гүйлгээ, төлбөр тооцоог, аюулгүй гүйцэтгэх боломжтой.

Дансны дугаар: MN81 0019 009000012345

1. MN – Улсын код
2. 81 – Хяналтын орон
3. 0019 – Банкны дугаар
4. 009000012345 – Дансны дугаар

Харилцагч та бүхэнд Тээвэр хөгжлийн банкны Интернэт банкаар дамжуулан IBAN дугаараа шалгах болон хуулах зааварыг хүргэж байна.

Банкны хувьцаа эзэмшигчдийн ээлжит хурал зарлах тухай

Монгол Улсын Компанийн тухай хуулийн 59 дүгээр зүйл 59.4 дэх заалт, 60 дугаар зүйлийн 60.1 дэх заалт, 60.2 дахь заалт, Банкны тухай хуулийн 31 дүгээр зүйлийн 31.3.4 дэх заалт, Тээвэр хөгжлийн банк ХК-ийн дүрмийн 11 дүгээр зүйлийн 11.3 дахь заалт, 11.4 дэх заалт, 11.6 дахь заалт болон Төлөөлөн удирдах зөвлөлийн 2025 оны 03 дугаар сарын 25-ны өдрийн №Т/25-05 дугаартай хурлын тэмдэглэлийн дагуу “Тээвэр хөгжлийн банк” ХК-ийн хувьцаа эзэмшигчдийн ээлжит хуралд хувьцаа эзэмшигч та бүхнийг идэвхтэй оролцохыг урьж байна.

1. Хурал хийх газар: Тээвэр хөгжлийн банк ХК-ийн төв байр буюу Сүхбаатар дүүрэг, Шангри-Ла оффис, 15 давхрын хурлын танхим
2. Хурал эхлэх цаг: 14.00 цагт
3. Бүртгэлийн өдөр: 2025 оны 04 дүгээр сарын 30-ны өдөр
4. Хэзээ: 2025 оны 04 дүгээр сарын 30-ны өдөр
5. Хурал хийх хэлбэр: Биечлэн

Хувьцаа эзэмшигчдийн ээлжит хурлаар хэлэлцэх асуудал:

Танилцах асуудал:

1. Банкны 2024 оны үйл ажиллагааны болон санхүүгийн тайлангийн талаарх танилцуулга;
2. Төлөөлөн удирдах зөвлөлийн 2024 оны ажлын тайлангийн танилцуулга;
3. Активыг холбогдох сангаас хаасан болон активыг тэнцлээс хассан талаарх тайлангийн танилцуулга.

Хэлэлцэх асуудал:

1. Банкны 2024 оны хөндлөнгийн аудитын байгууллагаар баталгаажуулсан санхүүгийн тайлангийн талаарх Төлөөлөн удирдах зөвлөлийн дүгнэлтийг хэлэлцэж батлах;
2. Банкны 2024 оны жилийн эцсийн цэвэр ашгаас ногдол ашиг хуваарилах эсэх тухай
3. Бусад.

Тээвэр хөгжлийн банк нь PCI Security Standard Council байгууллагаас гаргасан, картын төлбөр тооцооны аюулгүй байдлыг хангах хамгийн сүүлийн хувилбар болох PCI-DSS стандартын 4.0.1 хувилбарыг үйл ажиллагаандаа богино хугацаанд амжилттай нэвтрүүлж, олон улсын магадлан итгэмжлэгдсэн ISOQAR India Private Limited  байгууллагаар аудит хийлгэн сертификатаа албан ёсоор хүлээн авлаа.

Банк нь тус стандартыг нэвтрүүлснээр харилцагчдынхаа төлбөрийн картын мэдээллийг боловсруулах, хадгалах, дамжуулах, баталгаажуулах найдвартай орчныг бүрдүүлээд зогсохгүй мэдээллийн аюулгүй байдлын бодлого, үйл ажиллагаа, программ хангамж, сүлжээний тасралтгүй хэвийн үйл ажиллагааг хангасан чухал үйл явдал боллоо

PCI DSS стандарт нь нэр хүндтэй олон улсын болон дотоодын зохицуулагч байгууллагуудад хүлээн зөвшөөрөгдсөн, дэлхий дахины картын төлбөрийн салбарт хэрэглэгддэг олон улсын аюулгүй байдлын стандарт юм. Энэхүү стандартыг гаргагч PCI Security Standard Council байгууллага нь  American Express, Discover Financial Services, JCB International, Mastercard Worldwide болон Visa International байгууллагуудын хамтран байгуулсан байгууллага бөгөөд дансны мэдээллийн аюулгүй байдлыг хангах, хамгаалах стандартуудыг тасралтгүй хөгжүүлдэг.

Тээвэр хөгжлийн банк нь харилцагчдынхаа аюулгүй байдлыг хангах хүрээнд олон улсын стандартад нийцсэн шинэчлэлтийг банкны үйл ажиллагаандаа нэвтрүүлж буй нь харилцагчдынхаа болон санхүүгийн салбарт үзүүлэх итгэлцэл, үнэ цэнийг улам бүр батжин бэхжүүлж, найдвартай санхүүгийн үйлчилгээ үзүүлэгч байгууллага гэдгээ баталгаажууллаа.

Тээвэр хөгжлийн банк нь цаашид ч харилцагчдынхаа мэдээллийн аюулгүй байдлыг олон улсын түвшинд чандлан хамгаалж,  хариуцлагатай найдвартай санхүүгийн үйлчилгээг хүргэж ажиллах болно.

Олон улсын санхүүгийн хамтын ажиллагааны байгууллагаас 2012 оноос эхлэн дэлхийн улс орнуудад хэрэгжүүлж буй  “Дэлхийн мөнгөний долоо хоног” аяныг Монгол Улс 13 дахь жилдээ тэмдэглэж байна.

Энэ жил“Санхүүгийн зөв шийдвэр-Маргаашийн амжилтын эхлэл” уриан дор дэлхийн 176 оронд өрнүүлж байгаа юм. Тус аянд Тээвэр хөгжлийн банк манлайлан оролцож, “Санхүүгийн зөв шийдвэр – Маргаашийн амжилтын эхлэл” уриан дор хүүхэд залууст санхүүгийн боловсрол олгох олон төрлийн мэдээлэл зөвлөгөө өгч, сургалт хөтөлбөрийг зохион байгуулан ажиллах юм.

“Тээвэр хөгжлийн банк” нь БНХАУ-ын хил дамнасан юанийн төлбөр тооцооны систем болох (CIPS)-д шууд оролцогчоор элссэн Монгол улсын төдийгүй төв Ази дахь анхны арилжааны банк боллоо. Ингэснээр тус банк нь Монгол улсаас юанийн төлбөр тооцоог дэлхийн хаана ч найдвартай, түргэн шуурхай, бодит цагийн горимд /Real-time Gross Settlement/ гүйцэтгэх боломжийг харилцагчдадаа бүрдүүлжээ.

БНХАУ нь олон улсын зах зээлд юанийн хэрэглээг нэмэгдүүлэх, эргэлтийг хурдасгах, төлбөр тооцоогоо найдвартай гүйцэтгэх зорилгоор 2015 онд “Хил дамнасан юанийн төлбөр тооцооны үндэсний систем” (CIPS)-ийг нэвтрүүлсэн байдаг.

CIPS СИСТЕМИЙН АЧ ХОЛБОГДОЛ

1. Гадаад шилжүүлгийн хурд, хялбар байдал: CIPS систем нь юанийн төлбөр тооцоог бодит цагийн горимд гүйцэтгэх боломжийг олгох бөгөөд гадаад шилжүүлгийг урьд өмнө нь байгаагүй маш богино хугацаанд, хялбар гүйцэтгэх боломжийг олгоно.
2. Банк хоорондын хамтын ажиллагаа: CIPS системд 169 банк санхүүгийн байгууллага шууд оролцогчоор элсэн орсон бөгөөд олон улсад нэр хүндтэй тэдгээр  байгууллагуудтай юанийн төлбөр тооцоог шууд хийх боломж бүрдэнэ.
3. Банкны оролцогчдын төрөл: CIPS систем нь шууд болон шууд бус оролцогч гэсэн ангилалтай байдаг. Шууд оролцогч нь төлбөр тооцоог дундын банкаар дамжуулахгүйгээр гүйцэтгэх эрхтэй байдаг бол Шууд бус оролцогч нь дундын банкаар дамжуулан гүйцэтгэдэг гэдгээрээ ялгаатай юм.

ТЭЭВЭР ХӨГЖЛИЙН БАНКНЫ ШИНЭ АЛХАМ

“Тээвэр хөгжлийн банк” нь олон улсын жишигт нийцсэн хувийн банкны үйлчилгээг үзүүлэгч, санхүүгийн тогтвортой түнш банк байхын сацуу олон улсын зах зээлд өрсөлдөх чадвараа улам бүр нэмэгдүүлэхийг зорин ажилладаг. Энэхүү стратегийн хүрээнд банк нь олон улсын томоохон төлбөрийн системүүдийг үйл ажиллагаандаа нэвтрүүлэн ажиллаж, харилцагчдынхаа хэрэгцээ шаардлага, хамтын үнэ цэнийг эрхэмлэн ажиллаж байна.

CIPS системд шууд оролцогчоор элссэн энэхүү онцгой үйл явдал нь тус банкны санхүүгийн чадавхаа өндөр түвшинд бэхжүүлж, олон улсын банк санхүүгийн стандарт, зохицуулагч байгууллагын шалгуур үзүүлэлт, шаардлагыг бүрэн ханган ажилласны үр дүн юм.

“Тээвэр хөгжлийн банк” нь харилцагчдынхаа үнэт хэрэгцээг мэдэрч, итгэл төгс хамтын ажиллагаа, хөгжлийн хурдаар  түүчээлж, дэлхийн түвшний банк болохоор зорьж байна.