Банкны тухай хууль болон Компаний тухай хуульд нийцүүлэн Монголбанкнаас 7 дугаар сарын 27- ны өдөр гаргасан зөвшөөрлийн дагуу Тээвэр хөгжлийн банк болон Кредит банкууд нэгдлээ.

Олон улсын өндөр зэрэглэлийн UnionPay Platinum, Diamond кредит картыг Монгол Улсын зах зээлд анхлан нэвтрүүллээ.

Санхүүгийн зах зээлд анх удаа алтны үйлдвэрлэл эрхлэгчдийн санхүүгийн төлөвлөлт, ханшийн эрсдэлийн зохистой удирдлагад нийцсэн Биет алтны харилцах, хугацаагүй хадгаламжийн дансны үйлчилгээ нэвтрүүллээ.

“Moody’s” олон улсын үнэлгээний агентлаг Тээвэр хөгжлийн банкны зээлжих чадварын cуурь үнэлгээг Монгол Улсын Засгийн газрын үнэлгээтэй ижил “B3” түвшинд тогтоолоо.

Банкны хувь нийлүүлсэн хөрөнгийн хэмжээгээ 22 тэрбум төгрөгөөр нэмэгдүүлж 100 ТЭРБУМ ТӨГРӨГТ хүргэлээ. Энэ нь 2020 оны 3-р улирлын байдлаар системдээ 2-р байранд жагсав.

Нийгмийн хариуцлагын хүрээнд цахим банк, карт, Mост мони, мессеж мэдээ үйлчилгээний хураамжийг 2020 оны хугацаанд 0 төгрөг болгож, хураамж, шимтгэлээс 100 хувь чөлөөлөх аяныг хэрэгжүүлсэн.

Андеррайтерийн тусгай зөвшөөрлийн хүрээнд “Бодь даатгал ХХК”-ийн IPO-д хамтрагч андеррайтераар амжилттай ажилласан.