transbank

Тээвэр хөгжлийн банк нь  Банкны тухай хууль болон Даатгалын мэргэжлийн оролцогчийн тухай хуулийн хүрээнд Санхүүгийн зохицуулах хорооны 2019 оны 12 дугаар сарын 04-ний өдрийн 346 дугаар тогтоолоор Даатгалын зуучлалын үйл ажиллагаа эрхлэх тусгай зөвшөөрөл авч даатгалын мэргэжлийн оролцогч болж, холбогдох хууль, дүрэм, журмын дагуу даатгалын цогц үйлчилгээг салбар, нэгжүүдээрээ дамжуулан харилцагчдадаа хүргэн ажилладаг.

Бид харилцагчдынхаа даатгалын хөтөч, туслагч нь байж таны хэрэгцээнд тохирсон даатгалын нөхцлийг санал болгон, таны алтан цагийг хэмнэн ажиллаж байна.

Банкны даатгал зуучлалын давуу тал:

Даатгалын үйлчилгээг банкны зуучлагчаар дамжуулан авснаар нэмэлт шимтгэл, хураамж төлөхгүйгээс гадна, даатгалын компанийн нийтэд санал болгосон нөхцлөөс илүү бага хураамжаар, илүү их хамгаалалттай нөхцөлтэйгээр даатгуулах боломжийг бүрдүүлж өгдөгөөрөө давуу талтай юм.

Санхүүгийн зохицуулах хороо болон холбогдох мэргэжлийн холбоодтой хамтран зохион байгуулсан “Банкны даатгалын зуучлагчийн эрх олгох сургалт”-д хамрагдаж, шалгалтад тэнцсэн ажилтнуудын мэдээллийг байршуулав.

Даатгал хийх эрхтэй ажилтны мэдээлэл

Даатгалын зуучлалтай холбоотой мэдээллийг та өөрт ойр байрлах Тээвэр хөгжлийн банкны салбарт хандах эсвэл Харилцагчийн үйлчилгээний төвийн 1800-9999 дугаарт холбогдон авч болно.

Даатгалын тохиолдол үүссэн нөхцөлд дараах арга хэмжээг авна. Үүнд:

• Нэн түрүүнд хохирлыг ихэсгэхгүй байх, цаашид гарч болзошгүй эрсдэлийг бууруулах арга хэмжээ авах,
• Даатгуулсан даатгалын компанийн шуурхай албанд дуудлага өгч, заавар зөвлөмж авах,
• Зураг, бичлэгээр баталгаажуулж авах,
• Гэрээнд тусгасан нөхөн төлбөрийн тохиолдлын үед бүрдүүлэх бичиг баримтуудыг бүрдүүлж, даатгагчид хүлээлгэн өгнө.

ХОЛБОГДОХ МЭРГЭЖЛИЙН БАЙГУУЛЛАГЫН УТАС:

1. Гал түймэртэй тэмцэх газар- 101
2. Хэв журмын цагдаа – 102
3. Яаралтай түргэн тусламжийн төв – 103
4. Онцгой байдлын газар – 105
5. Автотээврийн газар – 1900-1234
6. Албан журмын даатгагчдын холбоо – 7010 1177, 7012 1177

(Жолоочийн хариуцлагын албан журмын даатгалд даатгуулаагүй, эсвэл даатгалын гэрээний хугацаа дууссан үед холбогдоно)