Ангилал: Төлөөлөн удирдах зөвлөл

С.Цэрэндаш нь 2009 онд АНУ-ын Индианагийн Их сургуулийг санхүүч мэргэжлээр Бакалавр, 2017 онд Люксембургийн Их сургуулийг хөрөнгийн удирдлага чиглэлээр Магистр зэрэгтэй төгссөн.

Тэрээр 2009-2013 онд Сангийн Яамны Санхүү, эдийн засгийн бодлогын газрын мэргэжилтэн, 2013-2015 онд Төрийн банкны Байгууллагын банкны газрын захирал, 2015-2017 онд Сангийн Яамны Санхүүгийн бодлогын газрын мэргэжилтэн, 2017 онд Хөгжлийн банкны ХОМК, ХОС байгуулах бэлтгэл ажлыг хангах албаны дарга, 2017-2019 онд Хөгжлийн банкны охин компани Ди Би Эм ассет менежмент ҮЦК-ийн Гүйцэтгэх захирал, 2020-2021 онд Санхүүгийн Зохицуулах хорооны Үнэт цаасны газрын даргын үүргийг түр орлон гүйцэтгэгч, 2021-2022 онд Хөгжлийн банкны Бизнес хөгжил хариуцсан дэд захирал, 2022-2023 онд Бүрэнскор ЗМС ХХК-ийн Гүйцэтгэх захирал болон Төслийн зөвлөх, 2023 оны 2 сараас 6 сар хүртэл Сангийн яамны Төрийн сангийн газрын даргын үүргийг түр орлон гүйцэтгэгчээр тус тус ажиллаж байсан туршлагатай.

Ийнхүү Тээвэр хөгжлийн банкны Төлөөлөн удирдах зөвлөлийн гишүүнээр 2023 оны 12 дугаар сарын 06-ны өдрөөс эхлэн ажилласан бөгөөд 2024 оны 08 дугаар сарын 26-ны өдрөөс эхлэн Төлөөлөн удирдах зөвлөлийн даргаар ажиллаж байна.

Б.Эрдэнэбаяр нь 2024 оны 8 дугаар сарын 26-ны өдрөөс эхлэн Тээвэр хөгжлийн банкны Гүйцэтгэх захирлын албан тушаалд томилогдон ажиллаж байна.

Тэрээр банк, санхүүгийн салбарт 17 дахь жилдээ ажиллаж байгаа туршлагатай бөгөөд 2008 онд Хас банкнаас ажлын гараагаа санхүүгийн шинжээч албан тушаалаар эхэлж, 2012 онд Хас банкны Санхүү удирдлагын хэлтсийн захирал, 2017 онд Бизнес хөгжлийн хэлтсийн захирал, 2020 оны 3 дугаар сараас Кредит банкны Гүйцэтгэх захирал, 2020 оны 12 дугаар сараас Тээвэр хөгжлийн банкны Гүйцэтгэх захирал, 2023 оны 10 дугаар сараас Тээвэр хөгжлийн банкны Төлөөлөн удирдах зөвлөлийн дарга албан тушаалд тус тус дэвшин томилогдон ажилласан.

2008 онд МУИС-ийн Эдийн засгийн сургуульд Санхүүгийн удирдлага чиглэлээр Бизнесийн удирдлагын бакалавр, 2017 онд Люксембургийн Их сургуульд Банк санхүүгийн магистрын зэрэгтэй төгссөн. Люксембургийн Вант Улсад “Шродерс” хөрөнгө оруулалтын санд ажиллах хугацаандаа Нью-Йоркийн Их сургуулийн Удирдлагын хөтөлбөрт оролцож, Олон улсын мэргэшсэн санхүүгийн шинжээч цол олгох (CFA) хөтөлбөрийн хоёр, мэргэшсэн эрсдэлийн менежер (FRM)-ийн нэгдүгээр түвшний шалгалтад тус тус тэнцэж, тухайн чиглэлээр мэргэжил дээшлүүлсэн.

Р.Базармаа нь 2021 оны 03 дугаар сараас ТрансБанкны Төлөөлөн удирдах зөвлөлийн гишүүнээр томилогдон ажиллаж байна.

2008-2017 оны хооронд зээл, гадаад валютын арилжаа, итгэлцлийн үйлчилгээ, факторинг үйл ажиллагаа эрхэлдэг “Финанс энд девеломпент оф майнинг ББСБ” ХХК-д Гүйцэтгэх захирал болон Ерөнхий захирлаар тус тус ажиллаж байсан.

1998 онд “Худалдаа хөгжлийн банк” ХХК-иас анхны ажлын гараагаа эхэлсэн бөгөөд тус банканд тасралтгүй 10 жил хянагч нягтлан бодогч, банкны ажилтан, банкны ахлах ажилтнаар тус тус ажиллаж байсан.

Р.Базармаа нь Санхүү Эдийн Засгийн Их Сургуулийг “Банк, санхүүч” мэргэжлээр төгссөн ба банк, санхүүгийн чиглэлээр мэргэшсэн. Салбартаа 20-иод жил ажилласан туршлагатай бөгөөд үүнээс 10 жил банк, санхүүгийн байгууллагад эрх бүхий албан тушаал хашсан туршлагатай.

Б.Мөнхбаяр нь Монгол улсын Санхүү, эдийн засгийн дээд сургуулийг 1998 онд Бизнесийн удирдлага, маркетинг, менежментийн чиглэлээр Бакалавр, Шинжлэх ухаан технологийн их сургуулийг 2002 онд компьютерийн програм хангамжийн инженерчлэл мэргэжлээр Магистр, Япон улсын Токио хотод програм хангамжийн аутсорсингийн төслийн менежмент чиглэлээр тус тус сурч төгссөн.

Тэрээр банк санхүүгийн байгууллагад 14 жил ажиллаж байгаа туршлагатай бөгөөд ажиллах хугацаандаа 1996-2000 онд T&C Co.,Ltd-д ерөнхий менежер, 2000-2004 онд Мобиком корпорацид Системийн администратор мөн 2004-2005 онд маркетингийн менежер, 2005-2010 онд United Solutions International Inc-д Ерөнхий менежер, Гүйцэтгэх захирал, 2010-2014 онд Хасбанкны Мэдээлэл технологийн захирал, 2013-2019 онд GIZ (former GTZ)-д Төслийн удирдлагын зөвлөх, 2014-2018 онд Ариг банкны Мэдээлэл технологи хариуцсан захирал, 2014 оноос одоог хүртэл CRMC (CRM Consulting LLC, Mongolian Artificial Intelligence Research Institute)-ын Захирал, үүсгэн байгуулагч, 2022 оноос Хөдөө Аж ахуйн Их сургуулийн Аудитор, Мэдээлэл технологийн гэрээт захирлаар одоог хүртэл тус тус ажиллаж байна.

Ийнхүү Тээвэр хөгжлийн банкны Төлөөлөн удирдах зөвлөлийн гишүүнээр 2023 оны 12 дугаар сарын 06-ны өдрөөс эхлэн томилогдон ажиллаж байна.

Төмөрийн Баасанжав нь Тээвэр Хөгжлийн Банкны Төлөөлөн удирдах зөвлөлийн гишүүнээр 2024 оны 07 дугаар сарын 25-ны өдрөөс эхлэн томилогдон ажиллаж байна. Тэрээр 2010-2013 онд Хитоцубаши их сургууль, Рочестерийн их сургуулиудад Профессорын туслах, 2014-2017 онд Хөдөө аж ахуйн биржид Ахлах мэргэжилтэн, Арилжааны албаны захирал, 2017-2019 онд Хаан Даатгал ХХК-ийн Дэд захирал, Үйл ажиллагааны газрын захирал, 2019-2021 онд Монгол Даатгал ХК-ийн Дэд захирал, 2021-2023 онд Монгол улсын Хөгжлийн Банкны Санхүүгийн газрын захирлаар тус тус ажиллаж байсан туршлагатай. Тэрээр Япон улсын Кобэ Их сургуулийг эдийн засаг, макро эдийн засаг мэргэжлээр Бакалавр, Хитоцубаши Их сургуулийг эдийн засгийн Магистр, АНУ-ын Рочестерийн их сургуулийг эдийн засгийн Магистр зэрэгтэй тус тус сурч төгссөн.

Дашням овогтой Ашидмаа нь 1984-1989 онд ОХУ-ын Москва хотод Олон улсын харилцааны дээд сургууль, 1996-1998 онд АНУ-ын Виржиния мужийн Политехникийн дээд сургуулийг тус тус төгссөн

Тэрээр 1989-1990 онд материалимпекс хангамжийн нэгдлийн импортын мэргэжилтэн, 1990-1992 онд Монгол Улсын Хөдөлөмөрийн яаманд гадаад харилцааны мэргэжилтэн, 1992-1996 онд АНУ-ын Монгол улсад суугаа ЭСЯ-ны эдийн засгийн туслах, 1998-2004 онд АНУ-ын Олон улсын хөгжлийн агентлагийн Монголын өмч хувьчлалын төслийн санхүүгийн шинжээч, 2006-2007 онд Монголын ипотекийн корпорацид Гүйцэтгэх захирлыг үүрэг гүйцэтгэгч, 2004-2009 онд АНУ-ын Олон улсын хөгжлийн агентлагийн эдийн засгийн бодлогын шинэчлэлийн төслийн бизнес санхүүгийн зөвлөх, 2009-2011 онд Энержи ресурс ХХК-ийн дэд захирал ба компанийн нарийн бичгийн дарга, 2011-2014 онд Тэнгэр санхүүгийн нэгдэл ХХК-д Хөрөнгө оруулагчдын харилцаа, засаглал хариуцсан захирал, 2014-2022 онд Хасбанканд Засаглал хариуцсан захирал, Компанийн нарийн бичгийн даргаар тус тус ажиллаж байсан туршлагатай.

Ийнхүү Тээвэр хөгжлийн банкны Төлөөлөн удирдах зөвлөлийн гишүүнээр 2023 оны 1 дүгээр сарын 02-ны өдрөөс эхлэн ажиллаж байна.

Чансаа овогтой Зоригтбаатар нь 1997 онд Санхүү эдийн засгийн дээд сургуулийг Банк санхүүгийн эдийн засагч мэргэжлээр Бакалавр, 1998 онд Монгол Улсын Их сургуулийн Хууль эрх зүйн сургуулийг Эрхзүйч мэргэжлээр Бакалавр, Магистр зэрэг тус тус хамгаалж төгссөн.

Тэрээр банк санхүүгийн байгууллагад 25 гаруй жил ажиллаж байгаа туршлагатай бөгөөд ажиллах хугацаандаа 1996 онд Төрийн өмчийн хорооны хуулийн зөвлөх, 1997-1998 онд Монгол Улсын их сургуулийн Хууль зүйн дунд сургуулийн хичээлийн эрхлэгч, 1998-2006 онд Монголбанкны Хуулийн хэлтсийн мэргэжилтэн, 2006-2009 онд Зоос банканд эрх зүйн газрын захирал, Анод банк ХК дахь банкны эрх хүлээн авагчийн зөвлөлийн гишүүн, 2016 онд Төрийн банкны ахлах мэргэжилтэн мөн өмгөөлөгчдийн холбооны өмгөөлөгчөөр одоог хүртэл ажиллаж байна.

Ч.Зоригтбаатар нь Тээвэр Хөгжлийн Банкны Төлөөлөн удирдах зөвлөлийн хараат бус гишүүнээр 2024 оны 02 дугаар сарын 01-ний өдрөөс эхлэн томилогдон ажиллаж байна.

Б.Оюунцацрал нь 2021 оны 4-р сараас эхлэн Тээвэр хөгжлийн банкны Төлөөлөн удирдах зөвлөлийн хараат бус гишүүнээр сонгогдон ажиллаж байна.

Тэрээр банк, санхүүгийн салбарт 20 гаруй жил ажилласан туршлагатай бөгөөд 1996 оноос эхлэн Монголбанкны Хяналт шалгалтын газарт хянан шалгагч, ахлах хянан шалгагчаар ажиллаж байсан. 2015 оноос Санхүүгийн зохицуулах хорооны Эрсдэлийн удирдлагын газар, Хяналт шалгалтын газрын даргаар мөн Шинэ эрин медикал ХХК-ийн Гүйцэтгэх захирлаар тус тус ажиллаж байсан.

Б.Оюунцацрал нь 1994 онд МУИС-ийн Эдийн засгийн факультетыг банкны эдийн засагч мэргэжлээр, 1996 онд МУИС-ийг Бизнесийн удирдлагын магистр зэрэгтэй сурч төгссөн ба 2005 онд Япон улсын София их сургуульд Олон улсын бизнесийн удирдлага магистр зэргийг тус тус хамгаалж төгссөн.

С.Сайнжаргал нь ОХУ-ын Засгийн газрын тэтгэлэгээр Томскийн Улсын их сургуулийн Хууль Зүйн сургуулийг 2018 онд Эрх зүйч мэргэжлээр Бакалавр зэрэг, Монгол Улсын Их сургуулийн Бизнесийн сургуулийг санхүүч мэргэжлээр 2024 онд Магистр зэргийг тус тус хамгаалж төгссөн.

Тэрээр Кредит банк ХХК-д 2019 оноос хойш Төлөөлөн Удирдах зөвлөлийн нарийн бичгийн даргаар ажилласан бөгөөд ажиллах хугацаандаа Компанийн Төлөөлөн Удирдах зөвлөлийн гишүүн, нарийн бичгийн дарга нарт зориулсан Компанийн засаглалын сургалтад хамрагдсан.

С.Сайнжаргал нь 2021 оны 8 дугаар сараас ийнхүү Тээвэр хөгжлийн банк ХК-д Төлөөлөн удирдах зөвлөлийн нарийн бичгийн даргаар томилогдон ажиллаж байна.

Х.Баттулга нь 2023 оны 4 дүгээр сараас Тээвэр хөгжлийн банкны Дотоод аудитын газрын захирал албан тушаалд томилогдон ажиллаж байна.

Арилжааны банканд 2010 оноос хойш аудит, хяналт шалгалтын чиглэлээр ажилласан туршлагатай тэрээр 2010-2013 онд Хадгаламж банканд хянан шалгагч, ахлах хянан шалгагч, 2013-2019 онд Төрийн банканд ахлах хянан шалгагч, 2019-2021 оны Кредит банканд Дотоод аудитын хэлтсийн захирал, 2021-2023 онд Тээвэр хөгжлийн банканд зайны хяналтын албаны захирал, ерөнхий аудитын албаны захирал албан тушаалд тус тус томилогдон ажиллаж байв.

Х.Баттулга нь 2000-2006 онд Улаанбаатар хотын 11-р дунд сургуульд ерөнхий боловсрол эзэмшсэн бөгөөд 2010 онд МУИС-ийн Эдийн засгийн сургуулийг санхүү, эдийн засагч мэргэжлээр бакалавр, 2022 онд МУИС-ийн Хууль, зүйн сургуулийг эрх зүйч мэргэжлээр бакалавр зэрэгтэйгээр тус тус төгссөн. Мөн Компанийн засаглалын сургалтад хамрагдсан.