transbank

Харилцагчийн мэдээллийн аюулгүй байдал гэдэг нь банктай харилцагч иргэн, байгууллагын дансны мэдээлэл болон интернэт банкны нэвтрэх нэр, нэвтрэх нууц үг, картын дугаар, пин код, CVV кодыг бусдад алдахаас хамгаалах цогц арга хэмжээг хэлнэ.

Банк нь харилцагчдийн мэдээллийн аюулгүй байдлыг хангах олон улсын стандарт арга аргачлал, программ хангамжийг ашиглан нууцлалын шаардлагуудыг 100 хувь хэрэгжүүлэн ажиллаж байна. Тухайлбал:

1. Мэдээллийн аюулгүй байдал, мэдээллийн технологийн чиглэлээр мэргэшсэн чадварлаг баг хамт олон;
2. Хууль, эрх зүйн шаардлагад нийцсэн мэдээллийн аюулгүй байдлын бодлого, журам заавар;
3. Олон улсын стандарт, тэргүүн туршлага, шинэ дэвшилтэт техник, технологи;
4. Мэдээллийн аюулгүй байдал, мэдээллийн технологийн чиглэлийн олон улсын аудитын байгууллагуудын аудит;
5. Олон улсын түвшний мэдээллийн технологийн дэд бүтэц.

Харилцагчийн мэдээллийн аюулгүй байдлыг хангаж, дансан дахь мөнгөн хөрөнгөө бусдад алдахаас урьдчилан сэргийлэхийн тулд ХАРИЛЦАГЧ таны зүгээс анхаарч хэрэгжүүлэх шаардлагатай зөвлөмжүүдтэй танилцана уу:

1. Интернэт банкны нэвтрэх нэр, нууц үг, картын ПИН код, нэг удаагийн нууц дугаар зэрэг хувийн нууцлалтай мэдээллээ бусдад дэлгэхгүй байх;
2. Тээвэр хөгжлийн банк нь утсаар болон и-мэйлээр хандаж “Таныг дансны болон хувийн мэдээллээ өгөхийг эсхүл тодорхой данс руу мөнгө шилжүүлэхийг” хэзээ ч асуухгүй болохыг анхаарч, ийм тохиолдол гарвал тухай бүр 77169999 дугаарын утсаар утасдаж банкинд мэдэгдэх;
3. Та өөрийн компьютероо вирусны эсрэг программаар хамгаалж, шинэчлэлийг тухай бүрт хийж байх.
4. Олон нийтийн цахим хуудсанд бүртгүүлэхгүй байх эсхүл найдваргүй цахим хуудсууд дээр цахим шуудангийн хаяг, утасны дугаар оруулахаас татгалзах;
5. Олон нийтийн газрын компьютер, таблет зэрэг тоног төхөөрөмжийг ашиглан интернэтэд холбогдсон бол цахим шуудан, цахим системийн “нэвтрэх нэр, нууц үг”-ийг тухайн төхөөрөмжинд хадгалах сануулах үйлдэл хийхгүй байх, “Log out” буюу системээсээ гарч хэвших;
6. Адил төстэй бичигдэх, харагдах цахим хуудас, цахим шуудангийн хаягийг хуурамчаар үүсгэн залилах үйлдэл түгээмэл байдаг тул холбогдох мэдээллийг сайтар шалгаж, баталгаажуулах;
7. Цахим шууданд хавсаргасан цахим холбоос болон файлд нэвтрэхээс өмнө баталгаатай эх сурвалжаас ирсэн эсэхийг нягтлах, спам буюу хуурамч и-мэйл хүлээж авсан бол нээж үзэхгүй байх;
8. Их хэмжээний мөнгө сугалаанд хожсон, өв залгамжилсан, эсвэл хэн нэгэнд туслах шаардлагатай байгаа тухай, мөн гадаад төслийн зээлийн санал зэрэг мэдээлэл и-мэйлээр эсвэл гар утсанд тань мессежээр ирсэн бол цахим луйврын гэмт хэрэг байж болохыг анхаарч, холбогдох мэдээллийг устгах;

Интернэт банкны хэрэглээ нэмэгдэхийн хэрээр гарч болох эрсдэлүүд нэмэгдэж байдаг тул харилцагч та доорх зөвлөмжүүдийг хэрэгжүүлж эрсдэлээс урьдчилан сэргийлээрэй.

1. Интернэт банкны нэвтрэх нэр, нууц үгээ бусдад задруулахгүй байх;
2. Интернэт банкны нууц үгээ солих үед том жижиг үсэг, тусгай тэмдэгт, тоо зэргийг заавал ашиглах,бусад хүмүүс мэдэх боломжтой мэдээллийг нууц үг болгон ашиглахгүй байх;
3. Интернэт банкны нууц үгээ тодорхой давтамжтайгаар сольж байх;
4. Интернэт банкинд нэвтрэх нууц үгээ бусад үйлчилгээнд ашиглаж буй нууц үгтэй адилаар үүсгэхгүй байх;
5. Таныг мөн гэдгийг батлах зорилгоор бүртгэлтэй утасны дугаар болон и-мейл хаягт нь ирж буй нэг удаагийн нууц үгийг бусдад дамжуулахгүй байх;
6. Банк Таны интернэт банкны нууц үгийг асуусан и-мэйл, мессеж хэзээ ч явуулдаггүй тул ийм төрлийн мэдээлэлд хууртахгүй байж, банкинд мэдэгдэж шалгуулах;
7. Та өөрийн дансны хуулгаа тогтмол хянаж, сэжигтэй гүйлгээ илэрвэл банктай холбогдож шалгуулах;
8. Олны танил хүмүүсийн хаягаас дансаа үлдээхийг уриалсан пост таарвал гэмт этгээдүүдийн урхи гэдгийг ямагт санаж болгоомжлох;
9. Та их хэмжээний мөнгө сугалаанд хожсон, азтан болсон, эсвэл хэн нэгэнд туслах шаардлагатай байгаа мэдээлэл санал зэрэг и-мэйл, гар утсанд тань мессежээр ирсэн бол цахим луйврын гэмт хэрэг байж болохыг анхаараарай;
10. Нийтийн хандалтын газраас аль болох интернэт банкны системд хандахгүй байх. Зайлшгүй шаардлагаар нийтийн ашигладаг компьютерээс /Жишээлбэл: интернэт кафе/ интернэт банк ашиглахдаа анхаарал болгоомжтой байж, “Нэвтрэх нэр” сануулах хэсгийг хүчингүй болгох, ашигласны дараа системээс гарсан эсэхээ шалгах ба хандалтын түүхийг устгаж байх;

To ensure the safety of your card and financial information, please follow these important guidelines:

1. Monitor Your Transactions: Regularly review your card transactions via Internet Banking. You can also receive real-time alerts through email notifications or by subscribing to our SMS notification service.
2. Protect Your Card Information: Never share your card number, CVV code, PIN, or any other sensitive information with anyone.
3. Avoid Magnetic Stripe Devices: Whenever possible, use chip-enabled terminals instead of magnetic stripe-based payment devices for better security.
4. Secure Your PIN: Always enter your PIN yourself when making transactions at ATMs or POS terminals and never disclose it to others.
5. Stay Alert at ATMs: Before using an ATM, inspect the card slot and surrounding areas for hidden cameras or suspicious devices that may be used for skimming.
6. Shop Safely Online: Ensure the website is secure by checking for “https://” in the URL before entering your card details.
7. Avoid Suspicious Links: Do not click on links or open attachments from unknown sources. Only enter your card details on trusted, verified websites.
8. Keep Your Contact Information Updated: If you change your phone number or email address, promptly update your contact details via Internet Banking or by visiting your nearest branch.
9. In Case of Card Loss: If your card is lost or stolen, take immediate action through any of the following methods:

ㅤㅤㅤ- Call our 24/7 hotline at 1800-1999 to block your card.

ㅤㅤㅤ- Deactivate your card instantly via Internet Banking.

ㅤㅤㅤ- Visit your nearest bank branch for assistance.

1. Report Unauthorized Transactions: If you notice any unauthorized or suspicious transactions, contact the bank immediately for investigation and support.

Фишинг (Phishing) гэдэг нь хуурамч хаягнаас цахим шуудан илгээж, хүний хувийн мэдээлэл /(нэвтрэх нэр, нууц үг, пин код гэх мэт)/-ийг хулгайлах зорилгоор хийгддэг цахим халдлагын нэг төрөл юм.

Халдлага үйлдэгч буюу фишер нь бусдын дансны болон хувийн мэдээллийг хулгайлахын тулд итгэмжлэгдсэн олон нийтийн сүлжээг (цахим шуудан, утас, мессенжер чат, мессеж гэх мэт) дуурайн ашиглаж түүгээр дамжуулан хэрэглэгчийн мэдээллийг авахыг оролддог. Фишерүүд нь бусдын мэдээллийг ашиглан халдлага үйлдэж, санхүүгийн алдагдалд хүргэх, сэтгэл зүйгээр хохироход ч хүргэж болзошгүй юм.

Хуурамч, фишинг цахим шуудан нь доорх нийтлэг шинжтэй байдаг. Үүнд:

1. Цахим шуудан дахь мэдээллийн агулга нь логик алдаатай, үг, найруулга, бичиглэлийн алдаатай байх,
2. Хаанаас, хэнээс илгээсэн эх сурвалж, цахим шуудангийн хаяг тодорхойгүй, эсвэл таны мэддэг хүн, байгууллагын цахим шуудангийн хаягтай ижил төстэй харагдахаар дуурайлгасан,
3. Хувийн болон санхүүгийн мэдээллийг хүссэн шаардсан,
4. Нууц үгээ, нууц кодоо солихыг шаардсан шинж, агуулгатай цахим шуудан ихэвчлэн фишинг төрлийн халдлага байх магадлалтай.
5. Таны нууц үг солигдсон, төлбөрийн мэдээлэл, дансны дугаар өөрчлөгдсөн тухай анхааруулсан шинжтэй,
6. Их хэмжээний мөнгө хожсон, өв залгамжилсан, сугалаанд хожсон зэрэг агуулгатай,
7. Дуурайлган хийсэн, ижил төстэй домэйн бүхий вэб сайт ашиглах замаар фишинг халдлага хийгддэг.